Dit artikel is gesjreve (of begós) in 'tMestreechs. Laeshie wie v'r mit de versjillende saorte Limburgs ómgaon.
Tsjechië is e land in Midde-Europa dat gans door ander len umgeve weurt, en wel doorPole,Duitsland,Oosteriek enSlowakije. Hoofstad isPraog, dewijl aander veurnaom steiBrno,Liberec,Ostrava enPilsen (Plzen) zien. 't Land besteit sinds1993 en is de leste jaore es vakantieland veur Wes-Europeane in gebruuk gekoume.
De inwoeners vaan Tsjechië zien deTsjeche.
Tsjechië besteit oet 13kraje (geweste), en e hoofstedelek distrik. De kraje, met hun hoofstei, zien:
95% vaan de bevölking sprik Tsjechisch. Wijer zien daoRomani-,Slowaaks-,Pools-,Duits- enOekraïenstaolege minderhede.
Tsjechië kaom in de latenegende iew op wie 't gebeed door dePremysl-dynastie vereuverd woort. Laank bleef 't keuninkriek vaan deBoheme 'n veurnaom lokaal mach, meh intern konflikte wie deHussietenoorloge en extern wie d'nDaartegjaoregen Oorlog hadde 'n verweustend effek op 't land, dat daan oonder deHabsburgers kaom en vaanaof denegentiende iew deil góng oetmake vaan deDonaumonarchie.
Naotot dit land in1918 ineinstortde gónge de Tsjeche mèt hun naobervolk de Slowake de nui republiekTsjechoslowakije vörme. Dit land bevatte 'n groete Duitse minderheid, zoetot 't land in1938 op las vaanHitler bij 'tAkkoord vaan Muunsje oontboonde woort. Slowakije woort oonaofhenkelek, Tsjechië woort e jaor later verdeild in 'tProtectoraat Boheme-Moravië enSudetenland, de door Pruse bewoende boeteste sjèl vaan Tsjechië, die bij Duitsland geveug woort.
Nao d'nTwieden Wereldoorlog woort Tsjechoslowakije doorStalin obbenuits gevörmp en in 'tWarschaupak gezet. 't Rezjiem dao gedroog ziech neet gans es marionette vaanMoskou: in1968 begós dao 'n periode vaan beperkde vrijheid, die dePraagse Lente genump weurt. DeUSSR veel 't land dao-op binne en installeerde weer 'n orthodox-communistische regering.
In1989 begós deFluwele Revolutie, boedoor Tsjechoslowakije oet de Sovjetrussische invloodssfeer kaom. Op1 januari1993 splitsde 't land ziech in twie deile. In1999 woort Tsjechië lid vaan deNATO, en in2005 ouch vaan deEU.
