Dit artikel is gesjreve (of begós) in 'tMofers. Laeshie wie v'r mit de versjillende saorte Limburgs ómgaon.
De Titanic in 1912.
DeRMS Titanic waas e passenzjeerssjeep det deil oetmaakdje vanneOlympic-klasse en in bezit waas vanne sjeepsmaotsjappieWhite Star Line. 't Waas geboewdj geworen oppe Hardland and Wolff-sjeepswerf inBelfast. 't Waas de grótste passenzjeersstoumboeat oppe werreld toe 't te water gelaote woort. 't Sjeep waas gemèndj veure transantlatische reize.
Inne nach van14 april1912, wie 't sjeep veuren ieëste kieër oetvoor, raakdje de Titantic 'neniesberg en twieë oer en fieërtig menuut later, hieël vreug op15 april1912 zónk 't sjeep. Es e gevolg vanne sjeepsramp verlore 1.517 luuj 't laeve, waat 't eint vanne zwaorste zieëvaartóngelökke maak in vraejestied. 't Hoeag sterfdjesiefer haet te make mit 't neet dao zeen van zat reddingsboeate; al waas det waal zat veure regulering van daen tied. Dao zeen disproportioneel väöl manskaerele gestórve, doordet 't beleid bie 't völle vanne reddingsboeate waas det vrouwlje en kinjer ieës geredj móste waere.
De Titanic waas gemaak mitte modernste technologie van daen tied en woort ouch ómsjreven es ónzinkbaar, waat de sjók vanne ramp nag grótter maakdje. De kapitein op 't sjeep waasEdward Smith.
De Titanic is ummer de verbeelding blieven aanspraeke doordet väöl slachoffers bekandje luuj woren en de maritiem wètgaeving drastisch is aangepas nao de ramp. In1985 woort 't wrak trögkgevónje, wodoor väöl mieë bekindj woort euver waat zich prónt aafgespeeldj haw. 't Wrak ligk in drie groeate deiler en hieël väöl klènder resten op 'n deepdje van zoea 3800 maeter oppe baom vannenAtlantischen Oceaan.
