Dit artikel is gesjreve (of begós) in 'tHeëlesj. Laeshie wie v'r mit de versjillende saorte Limburgs ómgaon.
De Sint-Michaelskathedraal
Kiev (alternatief sjpelling: Kiëv;Oekraïens: Київ,Kyjiv;Russisch: КиевKijev) is de hoofsjtad en geliek óch de groeëtste sjtad vanOekraïne. De sjtad ligk aa g'nDnjepr, neet wied va noaberlandWit-Rusland en hat óngevier 2,9 mieljoeën iwuënesj. Besjtuurlig gezieë sjteet de sjtad, graad wieSebastopol óp deKrim, óp 'tzelfde niveau wie alleoblaste van Okraïne. Kiev is óch d'r naamgeëver en besjtuurlig centrum van d'r gelieknamige oblas, wiewaal 't geë óngerdeel doava vurmt.
Wienieë de hoofsjtad van Oekraïne woeëd gesjtich, is óndudelig. Volges de Nestorkroniek, e manuscrip oet d'r 12e ieëw, woar dat in d'r 9e ieëw, wie deVarjage oetScandinavië hei koame. In 't lank doarumhin woeënde dePoljane, e Slavisch volk. Hei óntsjtóng 'n handelsroute, die Scandinavië mit deSjwatte Zieë verbóng. Kiev beleëfde zinge bluitied tussje 882 en 1169, wie 't de hoofsjtad van 'tKievse Riek woar. 't Houw in deë tied zeker 30.000 iwuënesj en woar doamit ing van de groeëtste sjteë van Europa. Aan dees periode koam in1240 definitief 'n ing; de Mongole maakde de sjtad mit d'r grónk geliek. In de zes ieëwe die doaróp volgde, woar Kiev 'n provinciesjtad in 'tPools-Litouwse Gemenebes. De sjtad gruide hel in d'r19e ieëw.
Noa d'rIeësjte Weltkreeg woeëd Kiev mieëder kiere veroaverd durch versjillende sjtriedende partieë: Oekraïense nationaliste, bolsjewieke, de witte armee enPole. Oetintelig hant de bolsjewieke gewónne, wat tot gevolg houw dat Kiev en Oekraïne vuur zieëvetig joare e deel van deSovjet-Unie zouwe weëde. In1941 woeëd Kiev veroaverd durch Nazi-Dütsje tróppe. Get boete de sjtadsmoere, in 't revien van Babi Jar, woeëde mieë es 100.000 joede vermoard. In 2004 woar Kiev 't tonieël va fel demonstraties van aanhengesj vaViktor Joesjtsjenko teëge de vervalsing van d'r verkezingsoetsjlaag durch aanhengesj vanViktor Janoekovytsj. Tussje november 2013 en meëts 2014 woeëd ópnuits teëge Janoekovytsj geprotesteerd, oeëbei mieë es hóngerd lüj um 't leëve koame.
Bei deRóssische invasie van 2022 woar 't pakke van Kiev ee van de ieësjte doele. Vanoet 't noorde woeëd in inne daag noa de sjtad ópgeruk, mar de sjtad wirkelig vereuvere lukde neet. De Rósse begóste de sjtad doa-óp te belegke en te bombardere.
