Groninge (officieelGroningen,GroningsGrönnen) is 'nprovincie in 't noordooste vaanNederland. Sociaal besteit ze oet e dunbevolk platteland (deOmmelanden) um de gelieknaomege hoofstad die es centrum vaan gaans Noord-Nederland fungeert en de zevende stad vaan 't land is. De provincie grens aonFriesland,Drente en 'tDuitseNedersakse.
In de provincie Groninge weure dialekte gesproke die same 'n aofwiekende oonderverdeiling vaan 'tNedersaksisch vörme, bekind esGronings-Oosfrieslands. Ouch in noordelek Drente weurt Gronings gesproke. Drei dörper zienFriestaoleg. De dialekte versjèlle wel vaanein, meh vergeleke mèt 't (Zuid- en Middel-) Drents en Twents valle de euvereinkómste op. Oongeveer 65% vaan de Groningers sprik nog Gronings; 't (relatief) aondeil vaan sprekers in de stad is evels väöl lieger es dat op 't platteland.
In de provincie Groninge höbbe noe en daan herindeilinge plaotsgevoonde, minder dèks es in 't weste en zuide vaan 't land, meh dèkser es in Friesland en Drenthe. Groete herindeilinge waore dao in de jaore 1820, in1969 (Stad Groninge en Stadskanaal), in1990 (door de ganse provincie) en in2010 (gemeinteOldambt). In de loup vaan dejaore 2010 kaome evels nui discussies los: de provincie zouw, um koste te spaore, nog mer zès gemeintes mote umvatte. Oetindelek woorte de planne minder ambitieus. Verspreid euver 2018 ('t midde en ooste vaan de provincie), 2019 ('t noorde en weste) en 2021 (Delfzijl en umgeving) woort 't aontal gemeintes noe vaan 23 tot 10 trökgebrach.
