Dit artikel is gesjreve (of begós) in 'tMofers. Laeshie wie v'r mit de versjillende saorte Limburgs ómgaon.
Eric Carmen (11 augustus1949,Cleveland,Ohio - mieërt2024) waas 'nenAmerikaansezenger, leefdjessjriever,gitaris enpianis. Hae woort inne vreugjaore sevetig bekandj es de zenger vanneRaspberries. Es soloarties wore zien grótste successe de leedjesAll by Myself (1975) enHungry Eyes (1987).
Eric Carmen is veur vief jaor lang de zenger vanne Raspberries gewaes, 'ne bend daen d'r in 1970 in Cleveland oprichdje. Mitte bend haw d'r get hits, meh die góngen in 1975 oeterein, worop Carmen es soloarties wiejergóng.
In 1976 haw Carmen 'n internasjenaal hit mit 't leedjeAll by Myself (oetgebrach in dieëtsember 1975). 'n Plaat die later nag door väöl anger artieste gecoverd zów waere. Daonao kreeg t'r nag hits mitNever Gonna Fall In Love Again (1976),She Did It (1977) enChange of Heart (1978). Yoet 1980 bleef t'r nag albums oetbringe, die aevel ederskieër minder opbrachte. Nao get jaor rös gepak te höbbe kaam in 1984 't albumEric Carmen oet det aevel gaar nieks opbrach, wodoor de zenger zich trögktroch oete sjawwerreld.
't Floepdje Carmen aevel in 1987 'n groeate trögkkóms de make mit 't leedjeHungry Eyes oete filmDirty Dancing. Hie koom waal gei nuuj album mieër op oet enne eige zangloupbaan van Carmen waas daomit zoea good wie gedaon. Waal waerdje zien kómpeziesjes nag succesvol oetgedrage door versjeien artieste, worónger doorShaun Cassidy enneballaadAlmost Paradise oete filmFootloose (1984). In1997 hawCéline Dion werreldwied nag 'n groeate hit mitAll By Myself.
In 't jaor 2000 brach Carmen nag 't albumI Was Born to Love You, wo neet väöl reaksje op koom. In 2004 kome de Raspberries weer same veur róndj te toere. Doe speeldje die inne Vereinigdje Staoten ónger angeren in 't veurpergram vanBruce Springsteen.
Eric Carmen is in 't waekinj van 9 en 10 mieërt 2024 gestórven op 74-jäörige laeftied.