Dit artikel is gesjreve (of begós) in 'tMestreechs. Laeshie wie v'r mit de versjillende saorte Limburgs ómgaon.
De distrikte (Bezirke) boe de DDR vaanaof 1952 in waor verdeild.
DeDuitse Democratische Rippubliek (Duits:Deutsche Demokratische Republik), gemeinelekDDR ofOos-Duitsland geneump, waor 'ne staot inMidde-Europa opcommunistische groondslaag. De staot kaom voort oet deSovjet-bezèttingszones vaanDuitsland enOos-Berlien. De Geallierde hadde nao deDuitse capitulatie in1945 't land in veer bezèttingszones verdeild um touw te zien op dedenazificatie en op termijn de souvereiniteit te herstèlle. Wie nao e paar jaor de spanninge tösse de democratiche westerse bezèttingsmachte (deVereinegde Staote, 'tVereineg Keuninkriek enFraankriek) en deSovjet-Unie opleep, riechde de ierste in mei1949 deBoondsrippubliek Duitsland op, allein in hun drei zones. Op7 oktober vaan datzelfde jaor stiechde de Sovjetregering toen de Duitse Democratische Rippubliek. Heimèt waor Duitsland veur de koumende decennia verdeild.
DeWeeropbouw vaan 't land woort krachteg t'r hand genome, meh de economische oontwikkeling bleef achter op 't weste. Daobij kaom 't repressief, dictatoriaol (tot 1953stalinistisch) systeem, wat de bewoeners wieneg vrijheid leet. Väöl lui vlöchde daorum nao 't weste, wat de regering brach tot de bouw vaan e hek op de grens en'n moer (vaanaof 1961) dweers door Berlien heer. Ouch woort intensief op de eige bevolking gespioneerd door 't Ministerie veur Staotsveilegheid (Stasi). Nao d'n doed vaan partijchefWalter Ulbricht verbeterde de relaties mèt 't weste get (zeker door deOstpolitik vaan de Wes-Duitse kanseleerWilly Brandt). De dictatuur bleef evels en 't economisch versjèl woort allein mer groeter. In1989 kaom 't heidoor tot groete proteste, die de regering tot ingriepende hervörminge brachte, boeoonder deVal vaan de Moer en democratische verkezinge. De nui gekoze regering besloot ziech bij de BRD (Wes-Duitsland) aon te slete, wat op3 oktober1990 voltrokke woort.
