Dit artikel is gesjreve (of begós) in 'tRemunjs. Laeshie wie v'r mit de versjillende saorte Limburgs ómgaon.
De ligking van de Cookeilenj.
DeCookeilenj (in 'tCookeilandj-Maori:Kūki 'Āirani) zeen 'n arsjipel van viefteen eilenj in 't zujelik deil van deGroten Oceaan. De Cookeilenj zeen, juus wieTokelau enNiue, 'n autonoom parlementair democratie in vriej associatie mitNuuj-Zeelandj. De viefteen eilenj in de Groten Oceaan höbben 'n totaal landjoppervlakde van 240 km²; deexclusieve economische zone (EEZ) is mit 1.800.000 km² aevel 7.500 keer grótter.
De grótste populatie aan inwoners concentreert zich op 't eilandjRarotonga (14.153 inwoners in 2006), wo zich ouch de internasjenaal lóchhave bevindj. Boete de Cookeilenj wone in Nuuj-Zeelandj zelf ouch zón 58.000 luuj die zówwe aafsjtamme oet de Cookeilenj. Óndanks det alle inwoners van de Cookeilenj officieel inwoners zeen van Nuuj-Zeelandj, höbbe ze 'n eige sjtatus es Cookeilenjer. Deze sjtatus weurt neet aan edere Nuuj-Zeelenjer gegaeve.
