Dit artikel is gesjreve (of begós) in 'tNorbiks. Laeshie wie v'r mit de versjillende saorte Limburgs ómgaon.
Econsulaat vertegenwoordigt e laand in e aander laand, ten behoeve van de oonderdane in 't laand van vestiging.
De gelieëverde deenste betreffe vöral de aafgifte van reesdocumaente (paasse vör sjtaotsburgers van 't laand van herkomst en visa vör burgers oet 't gastlaand), oeë-oonder noeëddocumaente, formalitète óp 't gebied van d'r burgerleke sjtaand (huwelek, echsjèjjeing, gebaoërte, överlijde), 't persone- en familierecht en 't notariaat, de aafgifte van diverse consulaire verklaoringe en certificate, de aafgifte van riejbewieze, identitèètsbewieze, hulp bie verveur van sjtoffeleke översjotte (laissez-passer), informatie vör bedrieve,väörlichting över wètgaeving enzoewieër. E consulaat ressorteert oonder 't ministerie van boetenlandse zake van 'tzendend laand.
'nAmbassade is de formeel de vertegenwoordiging van d'r ene sjtaot, 'tzendend laand, en behartigt daovan in 't kader van de internationaal betrèkkinge de belange behartigt bie 'ne aandere sjtaot, 'toontvangend laand. E consulaat vertegenwoordigt e laand bie de bevolking van e aander laand, mèt name óp 't gebied van d'r burgerleke sjtaand, 't verlieëne van visa en 't bevordere van handelscontacte. Väölal wert e consulaat 'ne diplomatiekepoos geneumd en 'nambassade 'n diplomatiekemissie. Bekaans ömmer zeunt ambassades gevestigd in de hoofsjtad van 't oontvangend laand, terwiel de consulate (ooch) gevestigd kènne zieë in belangrieke handels- of havesjtaej. Mètstens haant ambassades ooch 'n consulaire aafdeling.
't Consulaat is 'n lieëger diplomatieke vertegenwoordiging es 'n ambassade mèt ambassadeur. Es 't begrip inenge zin wert genaome, is 'ne consul, aandersj es 'ne ambassadeur, gene"diplomaat". In rumere zin genaome valle evvel zoewal ambassadeurs es consulate waal oonder d'r neumer diplomate, wat aanleiding töt verwarring kan zieë.
Dèk haat e laand naeve 'n ambassade nog een of mieërdere consulate in e laand, dèk versjprèjd över versjèjje regio's. öp 'tBelsj gèft 't 'n Nederlandse ambasade inAntwerpe en de vestiginge inGent enName zeunt consulate. In Duutsjlaand haat 't mieërder ambasades, zoewie inDusseldörp mèt consulate inAoke,Kleef,Kölle enMünster.
InMestreech haat 't e Belsj, Duutsj, Fraans, Luxemburgs en Sjpaans consulaat.
Naeve d'r gewoeëne consul gèft 't ooch 't insjtituut van deconsul-honorair. Dit is 'ne burger van 't laand oeëvan 't consulaat is gevestigd en neet van 't laand oeëvör e consul is. Een consul-honorair verlieënt diplomatieke deenste mae is ooch adviseur vör bedrieve en burgers die in 't laand dat e vertegenwoordigt zakes wille doeë. D'r consul-honorair wert dèk aangesjtèld vanwaege zie sociaal netwaerk. D'r consul-honorair geniet, zjuus wie 't personeel oet 't laand oeë 't consulaat gevestigd is, gèngdiplomatieke oonsjendbaarheed.
De bevoegdhede van consuls zeunt in 't volkerecht vastgelach in 'tVerdraag van Wene inzake consulair betrèkkinge.
Saer 2009 kènne Nederlanders die óp 't Belsj of in Duutsjlaand wónne óp de gemèngdehoezer va Mestreech enZöstere terech vör hön identiteetspapiere of visa. De consulate vaLuuk enAoke zeunt in dat jaor ópgehaeve en Dusseldörp of Antwerpe zówwe te wiet zieë. Mèt de oontwikkeling van directe contacte tösje besjtuurders in en van deEuregio Maas-Rien wert de diplomatieke funktie van 'ne consul ooch överbodig gemakt wat de gooj internationaal betrèkkinge aangeet. Óp 31 december 2010 sjluut ooch 't Belsj consulaat van Mestreech. De Belzje die in Nederland wónne mótte da evvel nao de ambasade inDen Haag.
