Dit artikel is gesjreve (of begós) in 'tMestreechs. Laeshie wie v'r mit de versjillende saorte Limburgs ómgaon.
Cleopatra VII Philopator (Jannewari69 v. Chr. -12 augustus30 v. Chr.) waor defarao vaan 't aajdEgypte, 't lèste lid vaan dePtolemaïsche dynastie en dus de lèste Hellenistische heerser euver Egypte. Ouch al heet ze dezelfde naom es väöl aander Egyptische keuninginne, toch weurt zie gewoenlek aongeduid esCleopatra, en al häör veurgengers met dezelfde naom zien mierendeils vergete.
'n antiek steine tablèt mèt Cleopatra VII en Ceasarion oetAlexandrië,Egypte
Es co-heerser euver Egypte same met häöre vaajer (Ptolemeus XII Auletes), häör broor/echgenootPtolemeus XIII, en later häöre zoonCaesarion, euverleefde Cleopatra 'necoup oetgedach door de hoflui vaan häör broor, consemeerde zie 'n verhawwing metJulius Caesar die häöre greep op d'n troen verstevigde, en, nao de moord op Caesar, verboond ze ziech metMarcus Anthonius, mèt wee zie 'ne twierling kraog. Later is ze getrouwd met Marcus Anthonius en kraog 'nen aandere zoon. Alles bie-ein had Cleopatra 4 kinder, 3 vaan Anthonius en 1 vaan Caesar. Oet 't houwelek met häör broor kaome gein kinder.
NaototOctavianus, rivaal vaan Anthonius en wètteleke opvolger vaan Caesar, de volle mach vaanRome tege Egypte aonbrach, benaom Cleopatra ziech vaan 't leve op12 augustus,30 v. Chr.. Häör naolaotensjap euverleefde in de vörm vaan väöl dramatiseringe vaan häör verhaol, boe oonderWilliam Shakespeare'sAnthony and Cleopatra en versjèllende modernefilms.
Cleopatra (Grieks veurVaajers glory) waor de daarde dochter vaan keuningPtolemeus XII Auletes en nao zienen doed in51 v. Chr. volgde zie häöm op same mèt häör broorPtolemeus XIII. Zie trouwde mèt häöm en consemeerde 't houwelek um häöre greep op d'n troen te verstevige.
Vaan de troen gestoete en weer trök met Julius Caesar
Al gaw kaom d'r ooneinegheid in 't houwelek, es Cleopatra ziech steeds mie ging affisjere es de alleinheerser vaan Egypte, door decrete allein oet te geve en munte te sloon zoonder de naom vaan häör broor/echgenoot drop. In reactie pleegde 'n gróp vaan hoflui, oonder aonveuring vaan deeunuchPothinus, 'n staotsgreep en verdreef Cleopatra oet Egypte.
In 't naojaor vaan48 v. Chr. maakde Ptolemeus evels de fout um ziech te minge in de aongelegehede vaan Rome. Heer gaof oonderdaak aonPompeius toen dee vlöchde veur Julius Caesar aon het eind vaan 't ierstetriumviraat, mèh heer leet Pompeius vermaore um e wit veutsje te hole bij Caesar. Caesar voont dit verraod zoe verachtelek tot heer de Egyptische hoofstad innaom en ziech beneumde es arbiter in 't dispuut tösse Ptolemeus en Cleopatra euver de troensbestijging. Nao 'ne korten oorlog boe-in Ptolemeus 't leve leet, plaotste Caesar Cleopatra trök op d'n troen, same mèt 'n aander broor,Ptolemeus XIV, es co-heerser.
Caesar euverwinterde in Egypte, en Cleopatra maakde dao good gebruuk vaan door zien minnares te weure. Dao-oet kaom 'ne zoon geneumpCaesarion, Grieks veurkleine Caesar. Evels, Caesar weigerde 't keend te erkinne en adopteerdeOctavianus es ziene zoon. Cleopatra en Caesarion waore op bezeuk in Rome zjus toen Caesar vermaord woort, boenao zie trök nao Egypte vlöchde. Dao storf kort daonao Ptolemeus XIV, woersjienelek vergifteg door Cleopatra. Zie beneumde häöre zoon Caesarion gaw tot co-heerser.
In42 v. Chr. reep Marcus Anthonius, ein vaan detriumvirs die aon de mach waore in Rome in 't machsvacuum nao d'n doed vaan Caesar, Cleopatra bij ziech inTarsus um häör te oondervraoge euver häör loyaliteit. Cleopatra kaom dao aon met e groet gevolg, en zie charmeerde Anthonius zoeväöl, tot heer d'r veur koos um de winter vaan42 v. Chr. -41 v. Chr. in Alexandrië met häör door te bringe. Tijdes deze winter woort zie zwanger vaan 'ne twierling, die door Cleopatra Selene en Alexander Helios geneump woorte. Veer jaor later kaom Anthonius nog es langs, op weeg um oorlog te voere met deParthe, en zie vernuide hun relatie. Vaanoaf dat momint zouw Alexandrië zien thoes zien.
Oondertösse greujde in Rome 't oongenoege euver Anthonius zien, in hun ouge, sjendaoleg gedraag. Octavianus euvertuigde de Senaat um 'nen oorlog tege Egypte te beginne. In31 v. Chr. stoonte de legers vaan Anthonius tegeneuver de Romeine in 'ne zieslaag veur de kös vaan Actium. Cleopatra waor dao met 'n vloot vaan häör eige, meh toen zie zaog tot Anthonius de slaag aon 't verlere waor, vlöchde ze. Nao deSlaag bij Actium veel Octavianus Egypte binne. Toen heer Alexandrië naderde deserteerde de legers vaan Anthonius nao de kant vaan Octavianus. Zoewel Cleopatra es Anthonius pleegde zelfmaord, Cleopatra door ziech door 'n slang te laote vergiftege. Cleopatra's zoon vaan Caesar, Caesarion, woort geëxecuteerd door Octavianus. De drei kinder vaan Cleopatra en Anthonius woorte gespaord, trökgenome nao Rome en opgeveujd door de vrouw vaan Anthonius, Octavia.
