Charleroi ies 'n industriesjtad. 't Waor ièrtieds 'n belangriekmiencentrum, gelege in de regio dae bekènd sjteit esLe Pays Noir. De lètste miene woorte gesjlote in1980. Tegewoordig zint veural desjtaol-,glaas- enchemische industrie zjwoartepunte. Saer de sjleting van de miene ies de importantie op economisch en industrieel gebied van Charleroi hendig truukgeloupe; tegewoordig haet de sjtad te make mèt hoag werkloosheidsciefersj.
De sjtad Charleroi haet 'n belangrieke ónderwiesfunctie, ónder andere deUniversité du Travail Paul-Pastur ies hie gevestig. InGosselies liek 't vleegveld van Charleroi, dat saer 2001 ouch gebruuk weurt door de priesvechterRyanair en daodoor 'n belangrieke passagierslochhave gewore ies.
De sjtad ies te verdeile in 't handelscentrum, deVille Basse, dat liek op e veurmalig eiland in de Samber en deVille Haute, mèt woonwieke en administratief insjtèllinge.
Es industriesjtad haet Charleroi wiènig ouw geboewe. De kèrkSaint-Christophe dateert oet de 17e ièw. 't Sjtadhoes oet 1936 haet ebelfort dat same mèt ander belforte en kèrktores vanVlaandere en Wallonië op deWaerelderfgoodlies vanUNESCO sjteit. In 't sjtadhoes ies ouch 't Musée des Beaux Arts gevestig, mèt 'n collectie Belzje sjilderkuns vanaaf de 19e ièw. In Marcinelle zint de miengeboewe, woa in1956 de groatste mienramp oet de Belzje historie plaatsvong, opegesjtèld es museum en herdènkingsplaats.
Charleroi heesj oorsjprunkelik Charnoy. In1666 woort diet dörpke versjterk door deSjpanjaarde en ze herneumde 't nao Charleroy, nao keuningKarel II. Al in 1667 woort de plaats ingenómme door deFranse.Lowie XIV leet de sjtad later obbenuujts versjterke doorVauban. Mèt deVrae van Nijmege (1678) kaom de sjtad weer bie Sjpanje. In 1868 brook me de sjtadsmoere aaf en woorte op die plaats lane aangelag.
