Dit artikel is gesjreve (of begós) in 'tMestreechs. Laeshie wie v'r mit de versjillende saorte Limburgs ómgaon.
Bangladesh (গণপ্রজাতন্ত্রী বাংলাদেশ,Gana Prajatantri Bangladesh) is e land in Zuidoos-Azië aon d'nIndischen Oceaan; wijer bekans gans begrens doorIndia en veur de res doorBurma. Hoofstad isDacca (offesjeelDhaka), ander stei zienChittagong enKhulna. 't Land is hendeg waterriek en hiel vruchbaar, meh euverbevolk en erm.
Bangladesj is in zès districte opgedeild, die allemaol nao hun hoofstad geneump zien.
Bengaals is de offesjeel taol, aanders es in India enPakistan, boe ouch, jao veural,Ingels offesjeel is.
DeVedische cultuur heet in Bangladesj mer wieneg spore achtergelaote, umtot 't neethindoeïstisch mehislamitisch is.
Bangladesj,Oos-Bengale maakde lang deil oet vaan de versjèllende Indiase rieke. In dedaartiende iew brachtePerzische missionaire d'n Islam denao tow. Woersjienlik is zjus 't land um deGanges- enBrahmaputra islamitisch gewore door zien strategische ligking aon d'n doorgaank tösse deHimalaya en d'n Indischen Oceaan vaan Veur- nao Achter-Indië.
Es ei vaan de ierste gebejer woort Oos-Bengale, eindachtiende iew, door deBritte bezat. Nao 150 jaor vaan euverheersing woort bij de Indiase oonaofhenkelekheid vaan1947 bij Pakistan ingedeild. Wie in1955 de naom vaan 't land vaanOos-Bengale inOos-Pakistan veranderd woort zat dat väöl koed blood. In1971 verklaorde 't land ziech oonaofhenkelek en nao 'nen oorlog vaan e paor maond, boe-in naoberland India ziech aon de kant vaan de Bengale sjaarde, woort die oonaofhenkelekheid erkind.Sjeik Mujibur Rahman woort de leier vaan 't land, meh in1975 woort 'r door e paar officiere vermaord en begós demilitair dictatuur, die tot1990 doorde. Sinsdeen is 't land min of miedemocratisch.
