Dit artikel is gesjreve (of begós) in 'tMestreechs. Laeshie wie v'r mit de versjillende saorte Limburgs ómgaon.
De baone vaan de veer Eerdse planete, boe-oonder Eerd zelf. De elliptische haafas is aongegeve es 1 AE.
Deastronomische einheid (aofgekortAE; oet 'tIngelsAstronomical Unit daan welAU) is 'ne middellangen lengdemaot dee weurt gebruuk in deastronomie. De AE is in gebruuk veur aofsten die inkilometers hendeg groet zien, meh boevaan 't nog geine zin heet um ze inleechjaore ofparsecs oet te drökke. De AE vint veural häör touwpassing bij objekte in 'tZonnestèlsel of eventueel in aander zonnestèlsels (exoplanete).
De astronomische einheid is gebaseerd op deelliptische haafas vaan de baon die deEerd roond dezon maak. Veur 't gemak is ze gedefinieerd op exak 149.597.870.700meter. Veur alledaogse touwpassinge kin me zègke: ein AE is zoeget 150 mieljoen kilometer. Es 'n planeet op 9 AE vaan de zon steit, steit ze dus nege kier zoe wied eweg es de Eerd. Detwiede wèt vaan Kepler maak 't meugelek te berekene tot zoe'n planeet 27 jaor euver 'nen umloup deit. De AE steit wijer oongeveer geliek aon 1,5812507×10⁻⁵ leechjaor (of 499,004 leechseconde) zoewie 4,8481368×10⁻⁶ parsec.
Um te zien op wat veur sjaol de versjèllende lengdemaote zinvol zien, volg hei 'n vergelieking vaan diverse aofsten in 't hielal, oetgedrök in kilometers, astronomische einhede en leechjaore. N.B.: Wienie neet aanders gezag weurt mèt d'n aofstand tösse twie hiemelliechame ummer de elliptische haafas gemeind.
