Pangeo, sirca 200 milion anios ante aora La formi de Laurasia, sirca 280 milion anios ante aora La abri de la Mar Atlantica norde, sirca 50 milion anios ante aora
Laurasia, un fusa de la nomesLaurentia eAsia, ia es la continente plu norde, cual, conGonduana, la continente plu sude, composa la super-continentePangea de sirca 425 a 200 milion anios ante aora. Lo ia separa de Gonduana de 215 a 175 milion anios ante aora (comensante en la periodotriasica tarda) en la rompe de Pangea, vagante plu norde pos la fende, e lo ia fende se mesma con la abri de laMar Atlantica, sirca 56 milion anios ante aora.
Laurentia,Avalonia, eBaltica, e un serie de terenos plu peti, ia colide en laorojen caledonian, sirca 400 milion anios ante aora, per formi Laurusia. Laurasia ia colide con Gonduana per formi Pangea.Cazacstania eSibiria ia es alora ajunta a Pangea 290 a 300 milion anios a ante per formi Laurasia. Laurasia ia deveni final un continente autonom cuando Pangea ia rompe per produi lo e Gonduana.
Pangea ia fende en du cuando laStreta Tetis ia abri entre Gonduana e Laurasia en lajurasica tarda. Como un resulta, du grupos de mamalestribosfenica ia evolui separada a la masas de tera nova formida: Laboreosfenida (marsupiales eplasentales) en Laurasia eaustralosfenida (monotremas e relatas estinguida) en Gonduana. Ma la arcivo de fosiles sujeste ce la esiste nonperiodal de un ponte de tera - la trans-tetis - an si la loca e dura de acel resta nonserta.
Pinos ia evolui en lamesozoica temprana, sirca 250 milion anios ante aora, e la jenera de pinos ia orijina en laurasia en lacretasica sirca 130 milion anios ante aora, competente con la plantas florinte, cual ia crese plu rapida. Pinos ia ajusta a la climas fria e seca en ambientes en cual la saison de crese ia es plu corta o la focos savaje ia es plu comun. Esta evolui ia limita pinos a entre 32° e 50° norde e ia resulta en un fende en du sujenera:Strobus ia ajunta a ambientes stresosa ePino a ambientes plu afetada par focos. Par la fini de la cretasica, pinos ia es fundida tra Laurasia, de America Norde a Asia este.
De la triasica a la jurasica temprana, ante la rompe de Pangea,arcosauros (crocodiles edinosauros, incluinteavias) ia ave un distribui global. Esta situa fini cuando Gonduana ia rompe e Laurasia ia es creada. La diversia depterosauros ia ateni un masima en la jurasica tarda e cretasica temprana, e latetonica de platas no afeta sua distribui. Crocodiles ance diversi en la cretasica temprana, ma ia es divideda en du grupos, e crocodiles ia evolui de los de Gonduana. La distribui de la tre grupos major de dinosauros -terapodos,sauropodos, eornitiscianes - ia es simil a lo de la crocodiles. Asia este ia resta isolida con spesies endemica incluintepsitacosauros (dinosauros con cornos) eancilosauros (dinosauros con armur e codas bastonin).
En laeosene temprana, un culmina en [[caldi global[[ ia resulta en animales pan-artica, conaligatores e [[amfibio]s esistente norde de la sirculo artica. En lapaleojen temprana, pontes de tera ia lia ancora la continentes, cual ia permete animales teran per migra entre los. A la otra lado, areas sumerjida ia a veses divide continentes: laMar Turgai, per esemplo, separada Europa e Asia de la media de la jurasica a laolisene, e en cuando esta mar o streta ia seci, un intercambia grande de animales ia aveni, e la aveni de estingui ia resulta en Europa es nomida laGrande Coupure (franses per la talia grande).
LaCoraciiformes (un ordina de avias incluinte lapexores) ia evolui en Laurasia. An si esta grupo ave aora un distribui xef tropical, los ia orijina e la artica en la eosene tarda, sirca 35 milion anios de do los ia diversi tra Laurasia e plu sude tra la ecuator.
En la triasica e jurasica temprana (sirca 200 milion anios ante aora), la abri de la Mar Atlantica sentral ia es presededa par la formi de un serie de basines defaliones grande, como laBasin de Newark en America Norde, de laGolfo de Mexico aNova Scotia, e en Africa e Europa, deMaroco aGronland.
Per sirca 83 milion anios ante aora, la estende ia es comensa en la Atlantica norde entre laplata rockal, un frato continental supra la plato eurasian e America norde. Per 56 milion anios ante aora, Gronland ia deveni un plata separada de America Norde par un zona estendente en laMar Labrador. Per 33 milion anios ante aora, la estende ia sesa en la Mar Labrador e ia reloca a lacresta media-atlantica. La abri de la Mar Atlantica norde ia rompe Laurasia en du partes.
