Ladama Godiva ia es un dama de la eda medieval de ci un lejenda ia developa. La lejenda es prima recordada en la sentenio 13 parRoger de Wendover en la colie de naretasFlores Historiarum. An si la lejenda es multe vea, istoristes moderna no vide lo como probable. Lo no ia es notada en la du sentenios entre la mori de Godiva e la apare prima, an si sua donas jenerosa a la eglesa ia es notada a veses variosa.
Seguente la varia tipal de la nara, dama Godiva ia compati con la popla deCoventry, ci ia es sufrinte grave su la imposta opresante de sua sposo. La dama Godiva ia suplica repetente a sua sposo, ma el ia refusa ostinosa per remete la imposta. Ultima, fatigada par la suplicas, el ia dise ce el ta sede a sua suplicas si Godiva ta vade nuda sur un cavalo tra la stradas de la vila. La dama ia aseta la provoca par sua sposo e, pos proclama ce tota persones ta debe resta en sua casas e clui sua fenetras, el ia vade tra la vila, covreda sola par sua capeles longa. Sola un person en la vila, un talior ci va es sempre a pos conoseda comoPeeping Tom ("Tomas videtante"), ia desobedi la proclama en un esemplo multe famosa de voiorisme.
La nom "Godiva" es la forma latinida cual ia deriva de la nomGodgifu oGodgyfu en engles vea, cual sinifia "dona de Dio". El ia es la sposa deLeofric, la conte deMercia. Si el ia es la mesma Godiva cual apare en la istoria de laAbaderia Ely, laLiber Eliensis, scriveda a la fini de la sentenio 12, alora el ia es un vidua cuando el ia sposi Leofric. E Leofric e Godiva ia es beneficores jenerosa a casas relijiosa. Los ia ave un fio conoseda,Aelfgar.
