Commandeur vun der Légion d'honneur,Rumford-Präis, John Scott Award, Franklin-Medail, Albert Medal, Stär um Hollywood Walk of Fame, Chevalier vun der Légion d'honneur, Officier vun der Légion d'honneur, John Scott Award
Famill
Bestuet mat
Mary Stilwell (1871–9.8.1884), Mina Miller (1886–1931)
Den Thomas Alva Edison war ee vun de produktiivsten amerikaneschen Erfinder an huet als techneschen Autodidakt méi wéi 2000 Apparater an technesch Prozedure sou wäit entwéckelt, datt hie sepatentéiere konnt.
Scho mat 9 Joer huet den Thomas Alva Edison systematesch naturwëssenschaftlech Experimenter an de verschiddensten technesche Beräicher gemaach, déi hien duerch Geleeënheetsarbechte respektiv als Telegraphist finanzéiert huet.
1868 huet den Edison a verbessertenTelegraph patentéiert an domat säin éischt Patent ugemellt.
Nodeem den Thomas Alva Edison fir seng Erfindung vun engem neien Telegraph 40.000 Dollar krut, huet hien 1870 zuNewark eng elektresch Fabrick opgeriicht. 1876 huet hien zuMenlo Park e Fuerschungslaboratoire gegrënnt, dee geschwënn alsErfinderfabrick bekannt gouf.
1877 huet hien dem Bell säin Telefon verbessert an den éischte Phonograph entwéckelt
1878 huet hien d'elektresch Bir verbessert an eng Seriëfabrikatioun ugefaangen wat eng Verbreedung vum elektresche Liicht am private Secteur mat sech bruecht huet.
1880 huet hie als éischten en Dampschëff mat elektreschem Liicht ausgerëscht.
1882 huet hien zuNew York dat éischt ëffentlecht Elektrizitéitswierk opgeriicht, dat schonn no e puer Méint de Stroum fir 5000 Stroosseluuchte geliwwert huet.
An engem weideren Atelier zuWest Orange huet den Thomas Alva Edison 1889 déi éischt Lafbildkamera gebaut.
Den Edison huet sech och nach mat Methode befaasst wéi ee verschidden Äerzer mat Hëllef vu Magnéiten trenne kann. Hien huet och enNéckel-Eisen-Akku gebaut.
1883 huet hien, de spéider no him benanntenEdison-Effekt, entdeckt.
Manner Succès hat den Edison, mat verschiddenen Iddien, déi hirer Zäit wäit viraus waren, wéi bei der Method fir an der Baubranche Fäerdegdeeler aus Bëtong hierzestellen déi dann op der Plaz nach just zesummegesat ginn oder bei den elektresche Lokomotiven.
