Deklengen Hantelniwwel (oderMessier 76 oder ochNGC 650) ass eplanetareschen Niwwel amStärebildPerseus mat engervisueller Magnitude vun +10,10 mag. Den hellste Kärberäich miesst 1,45' × 0,7'Bouminutten. Deen eppes méi schwaache baussenzegen Deel huet knapps déi duebelt Gréisst. Wéinst hirer Form gëtt den Objetklengen Hantelniwwel genannt. Ganz baussenzeg ass enHalo, deen aus deem Gasmaterial besteet, deen de Stär scho laang virun derExplosioun a senger Phas alsRoude Ris ofginn hat. Dësen ass ronn 4,8 Bouminutte grouss. Dëse Wäert entsprécht an der Distanz vum Niwwel eng absolut Gréisst vun ongeféier 21 Liichtjoer.
Den Zentralstär erschéngt alsDuebelstäresystem. Unhand vu Fotoe mamHubble-Weltraumteleskop konnt awer gewise ginn, datt déi südlech Komponent tatsächlech ongeféier 20.000Liichtjoer hannert dem Niwwel läit. Déi béidStäre bilden also e sougenannt optescht Duebelstäresystem. Hir Distanz läit bei 1,4 Bousekonnen.
DenObjet huet laang als duebelen Niwwel gegollt, wat dozou gefouert huet, datt en och zwouNGC-Nummere krut. Um Enn vum 19. Joerhonnert hu spektroskopesch Analysen den Nowäis bruecht, datt et sech ëm e planetareschen Niwwel handelt.
De planetaresche Niwwel NGC 650 gouf de5. September1780 vum franséischenAstronomPierre Méchain entdeckt.
Portal Astronomie
- ↑1,01,1SIMBAD
- ↑2,02,12,2SEDS
