| Mario Mutsch | |
|---|---|
| Gebuer | 3. September1984 Sankt Väit |
| Nationalitéit | Lëtzebuerg |
| Aktivitéit | Foussballspiller |
| Positioun oder Spezialitéit | Mëttelfeldspiller |
| Gréisst | 173cm |
| Gewiicht | 74kg |
| Veräin/Ekipp | Alemannia Aachen, FC Metz, FC Aarau, Lëtzebuergesch Foussballnationalekipp, Progrès Nidderkuer |
 | |
DeMario Mutsch, gebuer den3. September1984 zuSankt Väit, ass e fréierelëtzebuergescheFoussballspiller an-trainer.[1].
De Mario Mutschs huet e belsche Papp mat Virfahre aus dem Grand-Duché an eng belsch Mamm. Hien ass zu Sankt Vith am däitschsproochegen Deel vun der Belsch opgewuess.[2] Wärend senger Kandheet huet de Mutsch beim FC St. Vith gespillt ier hien op Olympia Recht gewiesselt ass an do fir d'éischt am Alter vu 16 am Profi Team gespillt huet.[2] Nodeems e bei Via Royal Spa FC a RFC Union Kelmis gespillt huet, ass de Mario Mutsch am Summer 2006 bei déi zweet Ekipp vunAlemannia Aachen gewiesselt, déi déi Zäit an derBundesliga gespillt huet. Well hien do kee Profi-Kontrakt krut, ass hien ee Joer méi spéit an d'Schwäiz geplënnert fir an derSuper League fir denFC Aarau ze spillen. De Mutsch gouf vumJeff Saibene rekommendéiert, deen deemools Co-Trainer vumFC Thun war. De Mario Mutsch koum zwee Joer regelméisseg fir den FC Aarau zum Asaz, an huet dono fir weider zwee Joer fir denFC Metz an der franséischerLigue 2 gespillt. Dono goung hien zeréck an d'Schwäiz, wou en e Kontrakt mamFC Sion ënnerschriwwen hat, an dono mamFC St. Gallen, wou de Jeff Saibene dunn Trainer war. 2015 gouf de Josef Zinnbauer Chef Trainer, an de Mutsch huet seng regulär Plaz verluer. Den 1. Juli 2017 huet hien e Kontrakt fir Trainer mamFC Progrès Nidderkuer ënnerschriwwen.[3]
Den8. Oktober 2005 huet de Mario Mutsch bei der 1:5-Néierlag a Russland ënnert dem TrainerGuy Hellers säin éischten offizielle Lännermatch gespillt.
Den 19. November 2008 huet hien am Frëndschaftsmatch géint säi GebuertslandBelsch säin éischte vun insgesamt 4 Goler fir d'Rout Léiwe geschoss.
Vun 2011 bis 2018 war hie Kapitän vun der Nationalekipp, fir déi hien bis 2019 insgesamt 101 offiziell Lännermatcher gespillt huet. Mat sengem 99. Asaz gouf hien den 11. September 2018 zum Rekordnationalspiller vu Lëtzebuerg, andeems hien deJeff Strasser (98 Asätz) iwwerholl huet. De 26. Mäerz 2024 gouf de Mario Mutsch vum Laurent Jans als Rekordnationalspiller ofgeléist.[4]