 | Dësen Artikel beschäftegt sech mat demGroussherzogGuillaume. Fir Leit mat engem änlechen Numm, kuckt wgl.Guillaume vu Lëtzebuerg (Homonymie). |
| Guillaume vu Lëtzebuerg | |
|---|---|
_(cropped).jpg) | |
 | |
| Titelen | |
Lieutenant-Représentant vu Lëtzebuerg | |
| Zäit | 2024 bis2025 |
Groussherzog vu Lëtzebuerg | |
| Zäit | zanter dem3. Oktober2025 |
| Virgänger | Henri |
| Biographie | |
| Gebuer | 11. November1981 Maternité Grande-Duchesse Charlotte |
| Bestuet mat | Stéphanie de Lannoy |
| Papp | Henri vu Lëtzebuerg |
| Mamm | Maria Teresa Mestre |
| Geschwëster | Félix vu Lëtzebuerg,Louis vu Lëtzebuerg,Alexandra vu Lëtzebuerg,Sébastien vu Lëtzebuerg |
| Kanner | Charles vu Lëtzebuerg,François vu Lëtzebuerg |
| Gielercher | Cavaliere di Gran Croce Ordine al Merito della Repubblica Italiana,Nassaueschen Hausuerde vum Gëllene Léiw, Grand-croix vum ordre de mérite civil et militaire d'Adolphe de Nassau, Grand-croix de l'ordre de la couronne de chêne,Ordre d'Orange-Nassau, Grand officier de la Légion d'honneur, Bronze Wollef |
 | |
DeGuillaume Jean Joseph Marie vu Lëtzebuerg, gebuer den11. November1981 an derMaternité Grande-Duchesse Charlotte an derStad Lëtzebuerg, ass zanter dem3. Oktober2025 deen zéngteGroussherzog vu Lëtzebuerg an Herzog vun Nassau a vu Bourbon-Parma. Hien ass dee siwenteLëtzebuerger Staatschef aus der Dynastie vunNassau-Weilburg.
Hien ass den18. Dezember2000 offiziell zumIerfgroussherzog vuLëtzebuerg an den 8. Oktober 2024Lieutenant-Représentant ernannt ginn. Den 3. Oktober 2025 huet hie vu sengem PappHenri vu Lëtzebuergden Troun iwwerholl.[1]
Säi vollstännegen Titel ass "Seng kinneklech Altess Groussherzog vu Lëtzebuerg, Herzog vun Nassau, Grof vu Sayn, Königstein,Katzenelnbogen an Diez, Buerggrof vun Hammerstein, Här vu Mahlberg, Wiesbaden, Idstein, Merenberg, Limburg an Eppstein".
Hien ass den eelste Jong vum GroussherzogHenri vu Lëtzebuerg an der GroussherzoginMaria Teresa.
Hien ass amLycée Robert-Schuman an derStad Lëtzebuerg an an deSchwäizer PensionaterBeau Soleil anInstitut Le Rosey an de Lycée gaangen an huet duerno op derRoyal Military Academy Sandhurst, beiCamberley amBerkshire anEngland eng Offizéieschausbildung gemaach.
Vun 2000 bis2011 huet de Prënz Guillaume de Verwaltungsrot vun derFondatioun Kräizbierg presidéiert, déi sech an den Déngscht vun handicapéierte Leit setzt. Am Mäerz 2011 huet de Prënz d'Éierepresidentschaft vun dëser Fondatioun akzeptéiert.
Hie gouf den 23. Juni 2009, umNationalfeierdag, zum Majouer vun derLëtzebuerger Arméi ernannt. Duerch en Arrêté grand-ducal vum 25. Mee 2012 gouf hie Lieutenant-colonel genannt, an dëst mat Wierkung vum 23. Juni 2012 un[2],[3].
SengGeschichts- aPolitologiestudien op der Universitéit vunDurham huet en net ofgeschloss.
Wéi och säi Papp, wéi deen Ierfgroussherzog war, ass hien Éierepresident vumBoard of Economic Development (zanter Ufank2001). Hie war och zanter dem24. Juni2005 Member vumStaatsrot, huet dee Posten awer opginn wéi eLieutenant-Représentant genannt gouf[4].
Sou wéi säi Papp, de Grand-Duc Henri, dat am Kader vumNationalfeierdag 2024 ugekënnegt hat[5], huet dësen den 8. Oktober 2024 dem Prënz Guillaume d'Lieutenance iwwerdroen.[6] Den 3. Oktober 2025 war denTrounwiessel, an de Guillaume ass zanterhier offiziell Grand-Duc vu Lëtzebuerg.
.jpg)
De 27. Abrëll 2012 huet hie sech mat der GräfinStéphanie de Lannoy verloobt. Den 19. Oktober 2012 huet de Stater BuergermeeschterXavier Bettel d'Koppel am Gemengenhaus um Knuedler an der Stad Lëtzebuerg zivil bestuet. Déi kierchlech Feier war den 20. Oktober 2012 an derKathedral vun der Stad Lëtzebuerg a gouf vum ÄerzbëschofHollerich zelebréiert.
D'Koppel huet zwéi Jongen:
Den 10. Mee 2020 koum um 5:13 an derMaternité Grande-Duchesse Charlotte an der Stad Lëtzebuerg hire JongCharles Jean Philippe Joseph Marie Guillaume op d'Welt.[7]
De 27. Mäerz 2023 koum um 10:04 an der Maternité Grande-Duchesse Charlotte an der Stad Lëtzebuerg hiren 2. JongFrançois Henri Luis Marie Guillaume op d'Welt.[8]
Grand-Croix vumOrdre de la couronne de chêne (Promotioun 2012)[9]
Chevalier vumNassaueschen Hausuerde vum Gëllene Léiw[10]
Grand-Croix vumOrdre de Mérite civil et militaire d'Adolphe de Nassau[10]
Grand officier vun derLégion d'honneur (Promotioun 2015)[10] | Commons: Guillaume vu Lëtzebuerg – Biller, Videoen oder Audiodateien |
| Virgänger: Henri | Groussherzog vu Lëtzebuerg zanter2025 | Nofollger: - |
