Lansamyento de una roketaSoyuz enel Kosmodrom de Baikonur.
ElKosmodrom de Baikonur (kazako: Байқоңыр ғарыш айлағы,Bayqoñır ğarış aylağı;ruso: Космодром Байконур,Kosmodrom Baykonur), antes yamadoTyuratam, es el mayor i mas antikaporto espasial. Orijinalamente fraguado por laUnion Sovyetika, ainda esta basho kontrolo deRusia desde la fin de laURSS, anke se topa enKazakistan. Se topa 200 km al este de lamar de Aral, al nord del rioSyr Darya, serka de la sivdad deTyuratam, al sud del payis.
El nombreBaikonur fue eskojido kon el buto de azer kreyer a losEEUU ke se topava serka de la vedradera sivdad de Baikonur, una sivdad minera 41 km al sud del sentro espasial en una rejion dedesyerto serka deDzhezkazgan.
Baikonur era el sentro prinsipal del programa espasial sovyetiko ala fin de los anyos 1950 fiska los anyos 1980; enel se topan todos los ekipos menesterozos para lansar roketas al espasio. En este porto se puede lansar las roketasSoyuz,Proton,Tsyklon,Dnepr iZenit. Oy endiya es el mas emportante porto espasial enel dezvelopamyento de laEstasion Espasiala Internasyonala.
