Кама (удмуртча"кам" —"дарыя","агым") —Россиянын Европа бөлүгүндөгү дарыя,Волганын сол куймасы.
Узундугу 1805км, алабынын аянты 507миң км2.
Жогорку Кама дөңсөөсүнөн башталат. Жогорку бөлүгүндө нугу туруксуз, ийри-буйру, жайылмаларда эски нуктар көп.Төмөнкү бөлүгүндө кеңири өрөөн (15км ге чейин) аркылуу агат, нугунун туурасы 450-1200м, салааларга бөлүнөт.
Ири куймалары: Түштүк Кельтма, Вишера, Чусовая, Ак (сол); Коса, Обва,Вятка (оң).
Негизинен кар, жаан-чачын жана жер астындагы суулардан куралат.Жылдык орточо чыгымы чатында 3500м3/сек га жакын.Ноябрдан апрелге чейин тоңот.
Кама дарыясында Кама жана Воткин ГЭСтердин суу сактагычтары бар. Төмөнкү Кама ГЭСи курулган.
Чатынан 1500км аралыкка чейин кеме жүрүүгө ыңгайлуу.
Жээгинде Кама автозаводу (КамАЗ) жайгашкан.
Негизги порттору жана пристандары: Соликамск, Березники,Пермь, Краснокамск, Сарапул, Чистополь,Набережные Челны ж.б.
