Барранкилья шаары (Barranquilla) -Колумбиянын түндүк-батышындагышаар. Атлантико департаментинин администрация борбору. Калкы 1,4 млн (2005, шаар айланасы менен 2 млн). Магдалена дарыясындагы порт. Океан кемелеринин токтоочу жайы. Эл аралык аэропорту, чиркөөлөр, соборлор, университеттер, консерватория, музейлер бар. Машина куруу, текстиль, нефть ажыратуу, металл иштетүү, тамак-аш-татымал, цемент, химия, жеңил өнөр жайы, иштейт. 1629-ж. негизделген. Шаарга жакын айыл чарба плантациялары жайгашкан. Исла-де Саламанка улуттук паркы уюшулган.
«Кыргызстан». Улуттук энциклопедия: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл.ISBN 978 9967-14-055-4
