Edhen (liesplekydhyn) yw esel unn ugh-urdh aenyvales (Lat.Aves), pub huni gans diw esker, pluv, lithyow yn-rag ow kul eskelli, eskern kew, ha gallos dedhwi.
Yma 10,912 eghen vyw ha 160 eghen dhifeudhys y'nbys ma; ytho, ydhyn yw an liesekka klas a viles gans mell keyn war dir. Yma nebes ydhyn ow tybri sugenbleujyow,plansow,has,hwesker,logos,puskes, karyn, po ken ydhyn. Difun dydhweyth a vydh moyha ydhyn, mes re anedha a vydh difun nosweyth po mo. Lies edhen a vyaj yn pell (po divroa) may hallens skeusi rag kewer yeyn.Yn mysk gnasow kemmyn ydhyn yma gelvin askornek heb dens, dedhwioyow krogenek, ha korf eskern skav mes kres. An vrassa rann anedha a yll neyja y'n ayr, mesniver a eghennow (yn arbennik warenesow) re gollas an gallos ma: r.e.pennow-gwynn,strusyow hagkiwis.
Sur yth hevel y'n eur ma ydhyn dhe esplegya diwortharghpedrevanes, h.y. diworth an bagasManiraptora a'n is-urdhTheropoda. Ydhyn ytho yw rann a'n klasReptilia (kramviles), ha'ga nessa kerens y'n klas na ywkrokodiles. Yma ydhyn, kramviles erell, habronnviles ow furvya anAmniota, enyvales gans mell keyn a omgerdhas rag triga war dir.
