Korndhel yw bagas abryofytow.Plansow divaskulek yns i nag eus dhedha kellow a waydowr. An hanow "korndhelen" a dheu dhyworth an kesweythyow kepar ha korn hag a dyv war an plansow ma. An kesweyth ma yw an sporofyt. An darn platt gwyrdh a gorndhelen yw an gametofyt.
Kepar ha pub bryofyt, korndhel a dhinyth dre geschanjya dinythyans. An sporofytow a liver sporow kepar ha ponn a neyj y'n gwyns. Korndhel a dyv yn ta le mayth yw leyth po gleb. Nebes eghennow a dyv yn niveryow meur avel hwenn munys yngweres lowarthow ha parkow amethys. Nebes eghennow trovannel a dyv war rusken gwydh. Ansertan yw an niver a eghennow korndhel, martesen ytra 100 ha 150.
