Enheduanna (skrifa gennek Sumerek 𒂗𒃶𒌌𒀭𒈾, ewedhEnheduana poEn-hedu-ana), o an prydydh kensa gen hanow aswonys dhe nei hedhyw. Ewedh hi o onan a’n benenes kensa henwys enistori. Uhel-bronter o dhe’n Dhuwes Inanna ha Duw an Loor Sin (po Nanna). Trigys o hi en stat-cita sumerek Ur.
Hi a wrug niver a gevradnow dhe lien Sumerek, ow komprehendya niver a ganow dhe Inanna ha kuntel a hymnys. Etho hi o an awtour henwys kensa en istori. Apoyntys veu hi dhe ditelEn, radn bur bosek en politigel, gen hy thas Metern Sargon a Akkad. Hy mabm o Meternes Tashlultum.
Woja mernans hy thas, hi a besyas e’n radn, bes, woja dadhla gen hy broder, Rimush, eksilys veu hi rag termyn. Gerys veu hi dhe dhehweles, ha woja hedna, hi a skrifas ‘Enorans Inanna' po ‘nin me šara', gen manylyon hy gorrans en-mes ha dehwelans. Woja hy mernans hy honan, enorys veu hi avel person posek po hanter-duwes.
En 1927 Syr Leonard Woolley a dhiskudhas disk kalsit Enheduanna, ha kleudhya en Ur. Ema skeusen a Enheduanna war an disk. Kyn hwrug deskrifa Woolley an disk en y dherivas, na veu roweth Enheduanna aswonys bys dhe dhyllans hwithrans Adam Falkenstein, "Enhedu'anna, The Daughter of Sargon of Akkad" en 1958, ha treylyansow Hallo ha Van Dijk a ober Enheduanna en 1968.
Enheduanna a gomposyas 42 a hymnas rag templow a-dreus Sumer hag Akkad. Anjei o an kensa a’ga sort hag etta, hi a leveris, "Ow metern, gwres veu neppeth dell na wrug nebonan besketh pekar'a kens."
Nin-me-šara, "Enorans Inanna", 153 lin, treulyes en kensa gen Hallo ha van Dijk (1968), ha woja hedna gen Annette Zgoll (1997) dhe Almaynek. An 65 lin kensa a enor an duwes gen epithettys, ort hy homparya dhe An, an goruhel duw. Ena, ema Enheduanna ow teskrifa hy anlowena woja hy eksil dhort an tempel ha cita Ur. Hi a wovyn rag gweres Nanna.
In-nin ša-gur-ra, 274 lin (andhien), golegys gen Sjöberg (1976) en udn usya 29 darn.
In-nin me-huš-a, "Inanna hag Ebih", treylyes en kensa gen Limet (1969)
Hymnys an Tempel, golegys gen Sjöberg ha Bergmann (1969): 42 hymn.
Pur bosek ew Enheduanna dhe feminystyon, avel an awtour kensa, hag onan a’n benenes henwys kensa. En 2015 an Unyans Steroniethel Kesgwlasek a henwis kowdoll war Vergher dhe enora Enheduanna.
Sel Inanna
Plasen Enheduanna - hi yw an treja dhort an dyhow
Dastrehevyans Ziggurat Ur (kilva) a-dryv magoryow an Giparu, an tempel en lebmath o Enheduanna trigys hag entirys.
.jpg)
