Cancer yw onan a'n 12 ranneves hengovek y'nstergylgh, hag onan a'n 48 ranneves derowel Ptolemy. Yn henhwedhlow Grek, Cancer o an kanker a omsettyas orth Hercules hag ev owth omladh gans Hydra. Skwattys o an kanker gans Hercules, mes ughelhys o bys dhe'n nevow.
Imaj ledan a M44 (an presep)Imaj ledan a bonni M67Cancer delinys ynUrania's Mirror, kartennow ranneves dyllys yn Loundres c.1825.
Y'n hen dermynyow, an howl a dhrehedhas y boynt moyha dhe'n north yn ranneves Cancer, hag ytho an Trovan Cancer yw henwys a-wosa. Yn termyn ma, dre effeyth presessyans an poynt moyha north resegva an howl yn ebrenn yw yn rannves Taurus.
Nyns yw meur aster splann yn Cancer, yma saw dew brassa es braster +4, Beta Cancri ha Delta Cancri, mes yma taklow dhe les, kepar ha'n bonni ster M44 (Praesepe, an presep).Yn henwhedhlow, yth o presep rag dew asen usi ow tybri diworto. Dionysos ha Silenus a varghogas an dew asen yn bresel erbynn an Titanow. An dew esen yw y'n nevow avel an sterennow Asellus Borealis (Gamma Cancri) ha Asellus Australis (Delta Cancri).M44 yw gweladow dhe'n lagas noeth avel kommol byghan, ha gwelys yn ta gans diwlagatell. An bonni ma yw henwys ynwedh avel an kowell gwenen (Beehive)
Yma bonni ster arall, M67 ynwedh yn Cancer, gweladow yn diwlagatell po pellweler.
Yma sterenn 55 Cancri, gerys da awos y system planetys. 55 Cancri yw sterenn dhewek, gans sterenn yn klass spektrel K 55 Cancri A ha sterenn yn klass spectrel M 55 Cancri B. Yma dhe 55 Cancri A pymp planet aswonnys.
