Dew eneval (yakow) ow tenna arader gans an tiek a-dryv dhedha yn Tibet
Arader yw jynn usys rag niver a oberyow, ow komprehendya amethi ha remova ergh. Herdhys po tennys yw a-dreus an tir. Nerth den po eneval o usys yn kansvledhynnyow usi passyes; y'n 20ves kansvledhen, dell yw usys, ereder yw tennys gans jynnys tenna. An arader a dhrehev gweres ow kasa diw linen a weres a-dryv dhodho. An gweres drehevys yw moy rydh ages agynsow. Tir erys yw yller da rag plansa trevasow.
A-varr y'n domhwelans amethel, usys veu gwelenni sempel rag palas synsys yn leuv, po kravellow yn tylleryow gans gweres da, kepar ha'n parth ryb an DowrNil ynEjyp. Liv bledhynnyek an Nil a wellha an gweres gans yyowynkhe, dhe wul tylleryow le may hallses plansa hasennow. Rag gweres tevyans trevasow yn ranndiryow may feu livyow pur danow, res o dhedha yowynkhe an gweres yn fordh dhyffrans. Hemm yw pan veu usys aras rag an kynsa tro.
