Hokusai wood ä Edo, watt hüü z Dachs Tokyo es, jeboore. Sing Äldere kennd mo net. Nakajima Ise (中島伊勢) adopteerde häm.
Met 18 Joohr vong hä a, beij Katsukawa Shunshō z werke, dä häm beijbraad, wi mo Värvholzschnette maad. 1779 zeechde hä öt ischde Mol sing Wärke. Watt hä maade, leehnde sich ävver net an dat a, watt Shunshō maade. Hä entweggelde sing eeje Aar tun Wiiß. Dat vührde dozo, dat Shunshō häm örussworp. Hä wandernde dörch Japan, wääßelnde sing Liihrer un Schülle un sujar döck singe Naam. Hokusai vong a z schriive, su dat si ischde Boch em Joohr 1782 erscheen. Öm dat, watt hä kutt, a angere wiir z jävve, nomm hä va 1798 Lüüh a un ongerrechde sö em Holzschnett un Zeechne. Va do a ongerzeechnede hä sing Wärke met dr Naam Katsushika Hokusai.
