Em Februar 2007 joov hä sing Kandidatur bökannt un sing Ärjebnisse beij d Vöörwaahle spräche dovöör, dat hä jo Möjjelichkeete hat, vöör d Demokrate als Präsident z kandideere.
Barack Obama wood ä Honolulu, dat litt op Hawaii, jeboore. Singe Papp koom usKenija un hä jehood zo dr Stamm van d Luo. Sing Mamm woch ön wisse US-Amörikanerin. Sing Äldere hiirode op Haweij zo ön Zitt, woSchwazze unWisse noch nät ä jedde Staaht van d USA hiirode dorfe.
Sing Äldere leete sisch scheede un Barack jäng zsamme met sing Mamm, di töschebee önö Ölmännäjer us Indonesiö jehiirod hott, noJakarta. 2 va sing Jeschwister woode do jeboore, enn, Maya, hat spiir äHeidelberg studeert, di anger läävd äNairobi, Kenia.
1971 trock Obama no Hawaii zoröck. Sing Om trock häm do op. Hä maade singe Avschloss op d Huchschüll met d beitste Nuute.
Obama studiirde 2 Joohr lang äLos Angeles un wäähßelde dann no d Columbia University äNew York. Va 1983 a werkde hä ö Joohr lang vöör önö Weetschaftsberooner. 1985 jäng hä noChicago. Do satz hä sisch vor d Ußbeldung va Lüüh ä ärm Stattveedele än.
Dono studeerde hä 3 Joohr lang Räät an d Räätsschüll va Harword un schloss met „Summa kum Laudö“ aav.
Va 1992 a woch hä en d Politik aktiv. Hä orjanisieerde Saache, di sisch met d Rääte van d Afraamörikaner befassde. 2000 verlooch hä beij d Vöörwaahle vöör öt Repräsentantenhuus jäje Bobby Rasch (Bobby Rush). 2002 wood hä en dr Senat va Illinois jewäähld un ongernomm önö Hoov Denger, di Illinois holpe. Obama sproch sisch jäje dr Kresch emIrak uss un held däm vöör önö domme Kresch. Obama jewonn d Vöörwaahle vöör d Senatswaahle em Joohr 2004 met 52%.
Beij d Senatswaahle troon hä jäje Jack Ryan a. Am 25. Juni 2004 joov Ryan op un Obama woch dr enzije Kandidat van d Demokrate. Hä troon jäje Alan Keyes a.
Obama jewonn d Waahl met su jruuße Erfolsch, dat hä selvs Kandidate ä anger Staate ongestötze kutt.
2004 helt Obama d Jrondsatzreed vöör dr Demokrätik Nätchional Conväntion ä Boston. Bekannt wood dä Deel van d Reed, wo hä saat, dat sing Famelisch an dr „American Dream“ jlöövd. Am 4. Januar 2005 wood Obama Senator va Illineus. Am 30. Januar 2007 stallt hä önö Plan op, öm sisch us dr Irak zöröck z träcke.
Am 10. Februar 2007 joov hä bekannt, dat hä Kandidat vöör d Präsidentschaft em Joohr 2008 es. Obama woch siihr ärfolgreich beij die Vöörwaahle un kräät bes zo d Waahle vam 19. Februar 2008 1157 Delejiirdestämme.Hillary Clinton bleed sing jrützde Jeschnörin in d Vöörwaahle. Hä wood em November 2008 zm 44. Präsidente van d USA jewähld un noh vier Johr em November 2012 widdejewähld.
