Wikipedia encyklopædiiuvoq ammasoq (tassa akeqanngitsoq, killeqanngitsoq kikkulluunniillu piumasut aaqqissorsinnaasaat). Wikipedia 2001-imi pilersinneqarpoq, ukiullu ingerlaneranni oqaatsit Wikipedialerneqarsimasut amerlanerugaluttuinnarput. Inuit tamarmik oqaatsitut ilitsoqqussatut ilisimasartik alliniarlugit atuarsinnaasariaqarput. Taamaattumik aamma kalaallisut Wikipediaqarpoq. Kalaallit Nunaat nunaagami inukitsoq ajoraluartumik Wikipediami allaqataarusuttunik inukippoq. Taamaattumik kalaallisut Wikipediami quppernerit ikeqaat, tassa245. Quppernerit amerlanerunikuugaluarput, kisianni ilarsuat allamiunit kalaallisut nalusunit allanneqaramik paasinarsimanngillat peerneqarlutillu. Kalaallit inuiaasa Kalaallit Nunaat nunallu allat pillugit ilisimasartik allisinnaasariaqarpaat – kalaallisut! Tyskisut Wikipediami Kalaallit Nunaat pillugu assut ilisimasaqarpoq, kalaallilli tamangajammik tyskisut paasinnissinnaanngillat. Taanna pissutigalugu ilisimasat taakku kalaallisut atuarneqarsinnaassapput. Illit peqataasinnaavutit! Ikioqataarusukkuit nalullugu qanoq ikiuisinnaanerlutit uannut Messengerikkut emailikkulluunniit allanniarit. Inussiarnersumik inuulluaqqusillunga, Kenneth Wehr (imaluunniit maani:Kenny McFly (diskussion) 9. Apr 2022, 16:19 (UTC)) (Tyskiullunga kalaallit oqaasii ilitsoqqussanik oqaaserigakkit kukkut pillugit utoqqatserpunga.)