Қалада шамамен 3,8 млн халық тұрады. Олардың төрт жүз мыңнан астамы 182 елден келген шетелдік азаматтар. Берлин Германиядағы ең үлкен қала. Ол 892 км² аумақты алып жатыр. Екінші дүниежүзілік соғыста қирап қалған қала адам танымастай өзгерді. Берлинде газет-журнал басатын жаңа технологиямен жабдықталған 10 баспахана бар. ҚалаЕуропадағы маңызды қаржы және сауда орталықтарының бірі.
Қаладағы төрт университетте жүз мыңнан астам студент оқиды. Сондай-ақ әртүрлі мамандар дайындайтын он институт, 50–ден астам ғылыми-зерттеу институттары бар, онда 50 мың адам жұмыс істейді. Жалпы Германия мәдениетке ерекше көңіл бөледі. Қалада 200-ден астам жекеменшік сурет галереясы, 150 театр бар. Бірқатар филармониялық оркестр жұмыс істейді. Қалада жыл бойы түрлі мәдени шаралар өтеді. Мысалы, ақпан айындахалықаралық кинофестиваль, мамырда театр фестивалін өткізу ежелгі дәстүр. Ал маусым айында халықаралық әдеби фестиваль өткізіледі. Берлинде қонақ үйлер мен мейрамханалар көп. Қала Еуропадағы танымал туристік бағыттардың бірі саналады. Берлин Германияның 16 федералдық жерінің бірі (қала-жер мәртебесіне ие). Мұнда федералдық билік органдары –Бундестаг,Бундесрат және федералдық үкімет орналасқан; қаланың басты нышандарынаБранденбург қақпасы менРейхстаг ғимараты жатады.
Галерея
Берлиннің көрнекті тарихи жерлері
Берлин кафедрал соборы Шпрее озен жагасында
Рейхстаг
Бранденбург қақпасы
Фридрихштадт Сарайы
Берлин панорамасы, сол жактан - туы бар Рейхстаг, Park Inn мейманханасы, Халықаралық сауда орталығы, телемунара, Кафедрал, Кызыл ратуша, Бранденбург қақпасы
.jpg)
.jpg)
