Xalıqaralıq shártnamalar haqqında 1969-jılǵı Vena Konventsiyası qaǵıydalarına muwapıq, xalıqaralıq shártnama — mámleketler hám xalıqaralıq huqıqtıń basqa subektleri arasında bir, eki yamasa bir-biri menen baylanıslı bir neshe hújjetlerde iske asırılǵanına jáne onıń anıq atına qaramastan jazba túrde dúziletuǵın xalıqaralıq huqıq penen retlestiriwshi pitim esaplanadı.
Xalıqaralıq shólkemniń shártnamalar dúziw huqıqıy múmkinshiligi usı shólkem qaǵıydaları menen retlestiriledi. Eger mámleketlerdiń xalıqaralıq shártnamalar dúziwge bolǵan huqıq uqıbı sheklenbegen hám olar hár qanday másele boyınsha shártnamalar dúziw huqıqına iye bolsa, xalıqaralıq shólkemlerdiń shártnama dúziw huqıqı uqıbı olardıń tiykarǵı hújjetleri menen belgilenedi.
«Xalıqaralıq shártnama» — mámleketler hám xalıqaralıq huqıqtıń basqa subektleri tárepinen bir, eki yamasa bir-biri menen baylanıslı bir neshe hújjetlerde sáwlelengenine jáne onıń anıq atına qaramastan jazba túrde dúziletuǵın xalıqaralıq huqıq penen retlestirletuǵın pitim esaplanadı.
Xalıqaralıq shártnama — awızeki dúzilgen basqa pitimlerden, yaǵnıy djentelmenlik pitimler (málim teksten ibarat, biraq xalıqaralıq shártnamanıń basqa atributların, atap aytqanda oǵan yuridikalıq kúsh beriwshi, kúshke kiriw sharayatların hám háreket múddetin belgilewshi qaǵıydalardı ózinde sáwlelengen awızeki pitim)den ózgeshe bolǵan mámleketler arasında dúzilgen jazba pitimler.
