Wikipediada kontent úsh tiykarǵı princip penen tártipke salınadı:biytárep kózqaras,tastıyıqlaw (tekseriw) múmkinshiliginiń bar ekenligi hám deóz betinshe izertlewlerdiń qadaǵanlıǵı. Wikipedianı redaktorlawshılar usı úsh qaǵıyda menen jaqınnan tanıs bolıwı kerek:
- Biytárep kóz-qaras (WP:BKQ) — Wikipediadaǵı barlıq maqalalar hám basqa enciklopediyalıq kontentlerbiytárep kózqaras penen jazılıwı, barlıq zárúrli kózqaraslar ádalatlı hám proporcional tárizde hám de belgili bir kózqarastıń tárepin almaǵan halda túsindiriliwi kerek.
- Tekseriwdiń múmkinligi (WP:TM) — Narazılıq bildirilgen yamasa narazılıq bildiriliwi múmkin bolǵan material hám barlıq pikirler isenimli, baspadan shıǵarılǵan derekke tayanıwı kerek.Tekseriwdiń múmkinligi enciklopediyanı oqıp atırǵan hám redaktorlap atırǵan shaxslar kórsetilgen maǵlıwmatlar isenimli derekten alınǵanın teksere alıwı múmkinligin ańlatadı.
- Óz betinshe izertlewlerdiń qadaǵanlıǵı (WP:ÓIQ) — Wikipediada ózbetinshe (original) izertlewler nátiyjeleri járiyalanbaydı: Wikipediadaǵı barlıq materiallartekseriw múmkin bolǵan, isenimli dereklerge tayanıwı kerek. Maqalalarda derek esabında kórsetilgen materiallardaǵı ashıq tárizde usınıs etilgen kózqaraslar solayınsha beriliwi tiyis, yaǵnıy olardıń jańa analizi yamasa sintezi bolmawı kerek.
Aytıp ótilgen qaǵıydalar Wikipedia maqalalarına kirgiziliwi múmkin bolǵan materialdıń túri hám sapasın belgileydi. Bul úsh qaǵıyda bir-birin tolıqtırıp turadı, sol sebepli olar bólek-bólek emes, barlıǵı birgelikte qabıllanıwı kerek. Bul principler tayanatuǵınbes tirek ornın basqa siyasat yamasa qaǵıyda hám qollanbalar iyeley almaydı. Bul úsh siyasat betleri tek principlerdi qollaw hám olardı túsindiriwdi jaqsılaw maqsetinde ǵana redaktorlanıwı múmkin.
