Panjab folklorınıń tórt klassikalıq tragediyasınan biri bolǵan «Xer Ranjxa» klassikalıq panjab tragediyası; tragediyanıń Varıs shax tárepinen dóretilgen epikalıq forması —panjab ádebiyatınıń eń ullı shıǵarmalarınan biri bolıp esaplanadı.Tragediya (grekshetragos — «eshki» hámgreksheode — «qosıq») — dramalıq shıǵarmalardıń izi qayǵı menen pitetuǵın janrlıq túri[1]. Ol eń dáslepáyyemgi Greciyada qudaydıń atına eshki soyıp tamasha ótkeriwge baylanıslı kelip shıqqan hám tragediyanıń ataması da «eshki» hám «qosıq» sózleriniń birikpesinen yaǵnıy «eshki haqqında qosıq» degen maǵanadan kelip shıqqan. Sonnan berli tragediya birneshe rawajlanıw basqıshların bastan keshirdi. Onıń rawajlanıwında Esxill, Sofokl, Evripid sıyaqlı dramaturglerdiń, ásirese inglis dramaturgi Shekspirdiń roli ayrıqsha kúshli.Shekspirdiń «Gamlet», «Romeo-Julyetta», «Korol Lir», «Otello» tragediyaları pútkil dúnya ádebiyatındaǵı tragediyanıń ájayıp úlgileri bolıp esaplanadı.
Tragediyalıq shıǵarmalar basqa janrdaǵı dóretpelerden ózine negiz etip alǵan konfliktleriniń oǵırı keskinligi hám tereńligi, olarda social-jámiyetlik sharayatlardıń tereń sáwleleniwi, filosofiyalıq jaqtan da oyshıllıǵı menen ayrıqsha sıpatlanıp turadı. Tragediya tariyxıy rawajlanıwdıń ayrıqsha áhmiyetli burılıs jaǵdayların ótkir hám keskin túrde sáwlelendirip otıradı. Sonıń ushın da Belinskiy tragediyanı «dramalıq poeziyanıń joqarǵı basqıshı, onıń gúltajı» dep bahalaǵan.
Qaraqalpaq ádebiyatındaS.Májitovtıń «Ernazar alakóz»,M.Dáribaevtıń «Kóklen batır», «Árman» tragediyaları bar
