Neil Alden Armstrong (aytılıwı: Nil Olden Armstrong; 5-avgust, 1930 — 25-avgust, 2012) amerikalı astronavt, , injener, universitet professorı hám Ay sırtındaǵı birinshi insan bolǵan. Kosmanovt bolmastan aldın ArmstrongAmerika Qurama Shtatları Teńiz kúshleri oficeri bolǵan hámKoreys urısında qatnasqan. Urıstan keyin ol Dryden Párwaz Izertlewleri Orayında ushıwshı-sınawshı bolıp, 900 den artıq párwaz qılǵan.Purdue Universitetin tamamlap, tálimdiQubla Kaliforniya Universitetinde dawam ettirgen.
Amerika Qurama SHtatları ÁSkeriy Hawa Kúshleriniń "Adam Kosmosta" hám Boeing kosmos párwazı joybarlarında qatnasıp atırıp, Armstrong Nasa astronavtları korpusına 1962-jılı qosıldı. Onıń birinshi kosmoslıq párwazı 1966-jılı Gemini 8 missiyası bolıp, onda ol David Scott penen eń dáslepki márte keme birlesiwin ámelge asırdı.
Armstrongnıń ekinshi hám aqırǵı kosmoslıq párwazı 1969-jılı iyulda Apollo 11 kemesinde Ayǵa ushıwı boldı. Bul missiyada Armstrong hám Buzz Aldrin Ay sırtına qonıp, 2½ saat izertlewler alıp bardı, bul waqıtta orbitadaǵı moduldaMichael Collins qalǵan edi. Armstrong Collins hám Aldrin menen birgelikte AQSH Prezidenti Richard Nixon tárepinen Azatlıq Prezidentlik medalı, Jimmy Carter tárepinen Kongress Maqtaw kosmoslıq Medalı (1978), 2009-jılı bolsa Kongress Altın Medalı menen sıylıqlanǵan.
2012-jılı 25-avgustda Armstrong arteriya tosılıwı sebebinen dúnyadan ótti.
ARMSTRONG (Armstrong) Nil (1930.5.8, Ogayo shtatındaǵı Uapakone-ta sh.) - AQSH astronavt ushıwshısı. 16 jasında ushıwshılıq huquqın alǵan. 1955-jılda Lafayett qalasındaǵı (Indiana shtatı) Perdu universitetin tamamlap, aviaciya texnigi qánigeligin iyelegen. Áskeriy teńiz flotı bólimlerinde xızmet qılǵan.Lyuis izertlew orayında sınawshı-ushıwshı bolǵan. A. 1962-jıldan baslap astronavtlar toparında. 1966-jılı 16-martda A. "Jeminay-8" kosmik kemesiniń komandiri sıpatında (J. Skott penen) kosmosqa ushtı. 1969-jılı 16-24 iyulda "Apollon -11" kosmik kemesiniń komandiri sıpatında E. Oldrin hám M.Kollinz benen birge tariyxta birinshi márte ayǵa ushtı hám ol jerde 21 saat 36 minut boldı. A. Ayǵa birinshi qádem qoyǵan (1969-jıl 21 iyulde) insan. Dásturdi tabıslı orınlap Jerge qaytqan.
