Fauna (latınshafauna — orman hám dalalar qudayı, rimmifologiyasında haywanlar padası qáwenderi) — arnawlı bir aymaqta yamasa akvatoriyada jasawshı haywan túrleri kompleksi. Fauna haywanlardıń túrli toparınan quralǵan bolıp, qandayda bir aymaq faunistik kompleksiniń tariyxıy rawajlanıwı processinde payda boladı. Tundra, tayga, orman, sahra, yarım shól, shól, pantropikalıq hám basqa faunistik kompleksler bar. Arnawlı bir Faunanı quraǵan faunistik kompleksler muǵdarı túrlishe bolıwı múmkin. Hárbir aymaqtıń óz avtoxtonları hám immigrantları bar. Fauna quramın úyreniw nátiyjesinde ondaǵı túrler baylıǵı anıqlanadı. Soǵan kóre, pútkil Jer sharı yamasa onıń ayırım aymaqları faunistik rayonlastırıladı.
Fanda Fauna túrli sistemalıq kategoriyalardaǵı (Mıs, qandayda bir aymaqtaǵı qus Faunası, qońızlar Faunası hám t.b.), málim dáwirge tiyisli (Mıs, miotsen dáwiri Faunası hám basqalar) yamasa málim geologiyalıq qatlamǵa tiyisli haywanlardı ańlatıw ushın «Fauna» termininen paydalanıladı. Haywanat dúnyasınıń sistemalıq quramı tuwrısındaǵı iri shıǵarmalarda «Fauna» dep ataladı (Mıs,Ózbekstan Faunası hám basqalar).
ÓzME, Birinshi tom, Tashkent, 2000-jıl
