Búgin dúnya ellerinde xalıqaralıq klimat kúni bayramlanadı. Usı rásmiy emes ekologiyalıq bayram meteorologlardıń klimattı qorǵaw haqqındaǵı úndewine juwap retinde maqullandı. Klimattı saqlaw — adamzat turmısındaǵı global másele. Dúnyajúzlik ıssı hawa, atmosfera qabatındaǵı ozonnıń kóbeyiwi, tábiyiy kataklizmalar, planetadaǵı hawa-rayınıń — ózgeriwi bunıń barlıǵı Jerdiń klimatın buzıp, kesirinen azıq-awqat, adamlardıń turmısı menen múlkine keri tásir etedi, tábiyiy resurslar menen mámlekettiń turaqlı rawajlanıwına kesent etedi.
Búgin — xalıqaralıq shańaraq kúni. 1993-jılı BMSh tárepinen usınday qarar qabıllaǵan, sonnan berli dúnyanıń kóplegen ellerinde bayramlanıp atır. Shańaraq — jámiyet penen mámlekettiń tiykarı, rawajlanıw menen turaqlılıqtıń deregi. Sonlıqtan mámleket onı qorǵawǵa úlken itibar beredi. Bayramnıń maqseti — jámiyet itibarın shańaraqtaǵı máselege itibar qaratıw.
Búgin — Moskva metropoliteniniń tuwılǵan kúni. 1935-jıl 15 mayda Moskva xalqı menen qonaqları ushın zárúr waqıya júz berdi. Bul kúni tańǵı saat jetide Moskva metropoliteniniń dáslepki tarmaǵı saltanatlı túrde iske qosıldı.
1918-jılı AQSHta dúnyadaǵı dáslepki hawa poshtası jumıs isledi;
1928-jılı Mikki Maus qaharmanı dáslepki ret payda boldı;
1969-jıl Pol Makkartni bolajaq zayıbı Linda Istmandı birinshi ret kórip qalǵan;
2001-jılı «CSX 8888 waqıyası» boldı: Ogayo shtatında heshkim basqarmaǵan poezd eki saat ishinde 76 km/saat tezik penen 106 km aralıqtı basıp ótti. Poezd júginiń arasında qáwipli ximikatlarda bolǵan edi.
1881-jılı rus jazıwshısı, dramaturg, teatr rejissyorı hám aktyorı Mixail Bulgakov dúnyaǵa keldi;
1938-jılı francuz aktrisası Mirey Dark dúnyaǵa keldi. 15 jıl Alen Delonnıń azamatlıq nekedegi zayıbı boldı;
1940-jılı rossiyalı aktrisa Svetlana Svetlichnaya dúnyaǵa keldi. Filmleri — «Бриллиантовая рука», «17 мгновений весны» hám «Место встречи изменить нельзя»;
1980-jılı rossiyalı qosıqshı hám aktrisa Anastasiya Slanevskaya (Слава degen at penen belgili) dúnyaǵa keldi.
