Rembulan (simbol:) ngrujuk ing satunggal utawi langkungsatelit alami ingkang édharanipun ngiteri satunggalingplanit ingkang ukuranipun langkung ageng, lan ugi ngiterilintang. Rembulan ingkang édharanipun ngiteriBumi namung gadhah ukuran seprapat ukuran Bumi lan ngiter saben 27.3 dinten, ing jarak rata-rata 384,400 kilomèter ing saandhaping tarikan gravitasigravitasi Bumi.
Rembulan boten ndarbéni sumbercahya. Cahya rembulan punika asalipun saking pantulan cahyaSrengéngé, boten mantul saking bumi. Nanging kadhang kala cahyanipun ugi saking bumi. Dados cahya saking srengéngé langsung tumuju bulanbulan. Bulan ndarbéni diameter 3,476 kilomèter kanthi gaya gravitasi namung 0.16 = (1/6) gaya gravitasi bumi. Dipunpitados Bulan kadhapur saking obyék ingkang agengipun sami kaliyanMars ingkang nabrak BumiBumi lajeng pecah. Inti obyék kasebat nabrak bumi, nanging lapisan njawi Bumi kaplanting lan kajebak ing orbitorbit ngililingi Bumi lajeng mbentuk Bulan.
Massa jinis Bulan (3,4 g/cm2), langkung ènthèng tinimbang massa jinis Bumi (5,5 g/cm2), déné [massa] Bulan namung 0.012massa Bumi.
Rembulan ingkang katarik déning gayagravitasiBumi boten dhawah tumujuBumi amargi gayasentrifugal ingkang timbul sakingorbit Bulan ngililingi bumi. Agengipun gaya sentrifugal Bulan punika sakedhik langkung ageng tinimbang gaya tarik-tarikan antawisipungravitasiBumi lan Bulan. Perkawis punika njalari Bulan saya ngedoh saking bumi. Kecepatan Bulan ngedohi Bumi sakiwa-tengené 3,8 cm/taun lan badhé saya rikat ing mangsa ngajeng ngantos copot sakingorbit Bumi.
Rembulan namung saged kapirsani saking satunggal sisih lumah manawi dipunamati saking Bumi amargi kalarotasi bulan punika sami kaliyan kalarevolusi(orbit) rembulan ngililingi bumi inggih punika 27,32 dinten.
Ing rembulan boten wontenudara utawitoya, namung kathah kawah ingkang wonten ing lumah bulan amargi saking tabrakan kaliyankomet. Boten wontenipun udara lan toya ing bulan njalari kikisan boten wonten lan kawah ing rembulan ingkang umuripun mayuta-yuta taun kapengker taksih wetah. Kawah paling ageng ing bulan inggih punikaClavius kanthi garis pusat 230kilomèter lan lebetipun 3.6 kilomèter. Boten wontenipun udara ugi njalari boten wontensuwanten ingkang saged kapirengaken ing Bulan.
Bulan purnama utawi rembulan ndadari, punika kaanan nalika rembulan katingal bunder sampurna saking Bumi. Ing wekdal punika Bumi mapan méh segaris ing antawisipun Srengéngé lan rembulan, saéngga sadaya lumah rembulan ingkang kapadhangan Srengéngé katingal cetha saking Bumi.
Kosok wangsulipun wekdalbulan mati, inggih punika nalika Bulan mapan méh segaris ing antawisipun Srengéngé lan Bumi, saéngga ingkang katingal saking Bumi punika sisih wingking rembulan ingkang peteng, alias boten katingal menapa-menapa.
Ing antawis kalih wekdal punika wonten kaananrembulan sepalih lanbulan sabit (rembulan nanggal sapisan?), inggih punika wekdal posisi rembulan tumrap Bumi mbentuk sudut tartamtu tumrap garis Bumi - Srengéngé. Ing wekdal punika namung sapérangan lumah rembulan ingkang kasunaran Srengéngé ingkang katingal saking Bumi.
Asal - usul bulan boten dipunmangertos kanthi mesthi, nanging ilmuwan manggihi bukti ageng bilih rembulan asalipun saking tubrukan bumi kaliyan planit alit ingkang namanipun theira watawis 3 milyar taun kepengker, ingkang ngasilaken lebu ingkang kathah sanget lan ngorbit ing sakelilingipun bumi. Akhiripun lebu punika ngempal dados rembulan. Ing wiwitan, letipun rembulan kaliyan Bumi sepisanan namung watawis 30.000 mil.
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
