Kain (carakan:ꦏꦲꦶꦤ꧀) yaiku bahan flèksibel/tèkstil/bahan sandhang kang kagawé sakatenunanbenang utawa bahan liyané lan wus kapotong miturut ukuran-ukuran kang katetepaké. Tèkstil kang kapotong iku bisa disusun kanthi carapanyulaman,panjaitan, pangiketan, lan cara dicithak, uga liya-liyané.[1] Kain miturut teteges iku bisa dimangertèni yaiku kain iku bagéyan saka apa kang diarani tèkstil, nanging ora kabèh tèkstil bisa dianggep minangka kain. Kain yaiku tèkstil kang wus wujud lembaran, wus kasusun, lan uga wus kacithak utawa kapotong miturut ukuran-ukran tartamu.[2]
Kain jarik bathik gagrag Ngayogya
Kain ing babagan budaya Jawa lumrah kanggo ngarani jarik senajan jarik pancèn iku salah siji jinising kain. Nanging yèn wong Jawa ngarani nganggo kain mesthi sing diomongaké iku pancèn jarik dudu jinis kain liyané.[3] Kain-kain tradhisional kang asli, lumrah, lan karipta ana ing Nuswantara kerep uga diarani minangka wastra utawa Wastra Nuswantara.[4]
Ing saideging Nuswantara ana sapirang-pirang jinis utawa reragam karya tekstil, dadi wujud lan titikan kabudayan déning suku utawa masarakat ada kang lestari nganti ing jaman modèrn iki. Wastra Nuswantara iki wus dadi titikan bebusana awit atusan taun kapungkur lan dadi salah sawijining wujud budaya adiluhung kang diduwèni bangsa Indhonésia. Wastra Nuswantara malah uga wus kondhang ing bangsa manca.[5] Jinis-jinisé kaya ta:
Bathik: yaiku kasil karya tèkstil awujud kain kang diwènèhi corak diagwé lumantar cara dibathik utawa digambar, ditutup malem, lan diwerna.[6] Bathik iki ngrembaka ing Pulo Jawa kaya ta ing Ngayogyakarta, Surakarta, Lasem, Cirebon, Pekolanan. Bathik uga ana ing Pulo Madura, Sumatra, lan liya-liyané.[7]
Songkèt: yaiku kasil karya tèkstil kang digawé mawa cara ditenun lan ing sela-selané diwènèhi corak mawa caranyongkèt (nyungkit) susunan benang kango diselipi benang emas.[8] Jinis tèkstil iki asalé saka bumi Malayu utamané Palémbang ing Pulo Sumatra, uga ngrembaka ing sasebarané wong Malayu ing Nuswantara kaya Malaysia, Brunéi, lan Singapura.[9] Songkèt iya pancèn kagolong jinis tenun.
Tenun: yaiku kasil karya tèkstil kang digawé mawa cara ditenun. Ing Indhonésia ana sapérangan jinis tenun kayata: Songkèt, Ulos, lan Ikat.[10]
Kain ikat: yaiku kasil karya tèkstil kang digawé mawa cara ditenun banjiur diiket lan diwerna.[11] Iki uga kalebu salah sawijining tenun nanging cara nggawéné kang rada béda.
Saliyané papat wastra iku mnau, ana salah sawijiné jinis kang uga kondhang yaiku Kain Celup Ikat, kadahang kala diarani Bathik Celup Ikat, senadyan cara nggawéné ora nganggo dibathik. Kain iki digawé maca cara ngiket saperangan bagéyan kain banjur dicelup menyang pawarna.[12] Cara celup ikat iki uga bisa digabung karo tèknik mbathik lan nenun.
