Franz Anton Beckenbauer (lair ingMünchen,Jerman,11 Sèptèmber1945 – pati7 Januari2024 ing umur 78 taun) inggih punika juru mainbal-balan saking nagariJerman, pelatih tim nasional Jerman, sarta tokoh organisasi bal-balanÉropah.[1][2]Franz angsal jejulukDer Kaiser ("Sang Kaisar") margi gayanipun nalika main bal ingkang saé lan anggun, saé anggènipun mimpin tim, lan dominasinipun ing lapangan minangkalibero.[1]Franz dados angguta tim nasionalJerman Kilen wiwit pungkasan taun1960-an ngantos pungkasan taun1970-an.[2] Nalika Jerman Kilen dados juaraPiala DuniaFIFA taun1974 panjenenganipun minangka kapten tim.[2] Franz lajeng dados pelatih tim nasional sasampunipun pensiun main bal.[2] Franz nglatih tim nasionalJerman lan kasil pikantuk juara Piala Dunia FIFA taun1990 ingItalia.[2]
Beckenbauer lair nalika rampungipunPerang Donya II, putra nomer kalih saking Franz Beckenbauer, Sr. lan Antonie. Beckenbauer.[1][3] Beckenbauer ageng ing wewengkon Giesing lan wiwit gladhèn bal ing klub lokalSC Munich 06 nalika umur 13 taun.[3] Beckenbauer gadhah posisi minangka pangajeng utawistriker, Beckenbauer gadhah juru main bal favorit saking tim nasional Jerman Kilen,Fritz Walter lan njurung klub1860 Munich.[3] Nalika Beckenbauer langkung milih ndhèrèk klubBayern München, mengsahipun klub1860 Munich, amargi nalika wonten turnamen junior, klubipun Beckenbauer kepanggih kaliyan1860 Munich.[3] Nalika samanten klub1860 Munich main balipun langkung atos, saéngga Beckenbauer langkung milih klubBayern München.[3]
Franz Beckenbauer nglaksanakaken debut kaliyan klub Bayern nalika wonten liga regional kidul mengsah klubStuttgarter Kickers tanggal6 Juni1964.[3] Mangsa ingkang pisanan kaliyan klubBayern Munich, Beckenbauer main cacah 31 adu tandhing kanthi nglebetaken 16 gol.[3] Beckenbauer saged main bal kanthi saé lan impresif saéngga saged nyurung tim Bayern Munchen saged menangakenPiala Jerman lan angsal Piala Winners taun 1968/1969.[3]
