Andrić fæddist í bænum Travnik, sem þá heyrði undirAusturrísk-ungverska keisaradæmið. Hann stundaði háskólanám íSarajevo þar sem hann gekk á höndslavneskri þjóðernisstefnu. Eftir morðið áFrans Ferdinand erkihertoga árið 1914 var Andrić handtekinn, grunaður um aðild en sleppt vegna skorts á sönnunargögnum. Mestallafyrri heimsstyrjöldina var hann í stofufangelsi. Að stríðinu loknu lagði hann stund á slavneska sögu og bókmenntafræði og lauk doktorsprófi frá Háskólanum íGraz árið 1924.
Hann gekk til liðs við júgóslavnesku utanríkisþjónustuna og varðsendiherra lands síns íÞýskalandi árið 1939, en þeim ferli lauk skyndilega tveimur árum síðar þegar Þjóðverjar réðust inn í Júgóslavíu. Stríðsárunum varði hann íBelgrað og ritaði þá sína kunnustu bók,Brúna yfir Drínu. Það er söguleg skáldsaga sem gerist í Bosníu, spannar nærri fjórar aldir og lýkur í upphafi fyrri heimsstyrjaldarinnar.
Ivo Andrić hlaut Nóbelsverðlaunin árið 1961. Var samkeppnin þó talin afar hörð það árið en meðal þeirra sem orðaðir voru við verðlaunin í það sinnið voruJ. R. R. Tolkien,Robert Frost,John Steinbeck ogE. M. Forster. Verðlaunin urðu til þess að vekja alþjóðlega athygli á verkum Andrić sem í kjölfarið voru gefin út víða um lönd. Andrić lést árið 1975 eftir margra mánaða veikindi.
Sem eini Nóbelsverðlaunarithöfundur Júgóslavíu var Andrić í miklum metum í heimalandinu til dauðadags og næstu áratugi á eftir. Eftir að ríkið brotnaði upp í smærri einingar hefur nokkuð endurmat átt sér stað á verkum hans. Þar sem Andrić var afserbneskum ættum féllu bækur hans í nokkra ónáð meðalKróata og telja ýmsir bókmenntafræðingar sig finna and-múslímsk viðhorf í skrifum hans. Andrić er hins vegar enn í miklum metum meðal Serba.
Brúin yfir Drínu kom út áíslensku árið 1963. SéraSveinn Víkingur þýddi verkið úr ensku og dönsku.
