| HTML5 (HyperText Markup Language) | |
|---|---|
 | |
| Skráarending: | HTML: .htm, .html |
| MIME-gerð: | HTML: text/html |
| Kóðategund: | TEXT |
| UTI: | public.html |
| Hönnun: | W3C |
| Tegund forsniðs: | Ívafsmál |
| Útfærsla á: | HTML,XML |
| Staðall: | WHATWG Editor's draft W3C Editor's draft |
HTML5 erívafsmál fyrirvefsíður. HTML5 var síðasta opinbera útgáfaHTML frá samtökunumW3C og kom út í október 2014. Hugmyndin var að það minnkaði þörfina fyriríforrit sem voru notuð til að skila ákveðinni tegund afmargmiðlun, eins ogAdobe Flash,Microsoft Silverlight ogSun JavaFX. Þannig víkkaði staðallinn út notkunarmöguleikaskjalalíkansins ogskriftumála og bætir við nýjumforritunarviðmótum á borð við skilgreint svæði fyrir tvívíða teikningu (<canvas>), afspilun kvikmynda og hljóðs (<video>, <audio>) og margt fleira.
Ætlunin var að HTML5 yrði aðW3C-tilmælum síðla árs 2010 en mikill dráttur varð á vinnslu þess. Stuðningur vafra við HTML5 var lengi takmarkaður en það breyttist þegar aðgerðasafniðWebKit, sem meðal annars er notað í vafranumSafari, útfærði meiri stuðning en áður hafði þekkst árið 2007. Í kjölfarið ákvaðApple Inc. að sleppa stuðningi viðAdobe Flash í bæðiiPhone ogiPad. Þetta skapaði aukinn þrýsting á að útfæra margmiðlun á vefsíðum með HTML5 í stað Flash.
Vegna þess hve langan tíma tók að ljúka við HTML5 hófu grasrótarsamtökinWHATWG (upphaflega póstlisti forritara frá sumum af stærstu fyrirtækjum bandaríska tæknigeirans) að þróa HTML á eigin spýtur. Samtökin voru stofnuð eftir að sameiginlegri tillögu frá þróunaraðilum vafrannaOpera ogMozilla var hafnað af W3C árið 2004. Árið 2019 lét W3C WHATWG þróun HTML eftir, þar sem samtökin töldu að tveir aðskildir staðlar væru skaðlegir. Síðasta uppfærsla HTML5 kom út árið 2017 og þróun staðalsins var hætt 2018.
|
|
