| La misterio di amoro esas plu granda kam la misterio di morto. Mulieri facesas amesar, ne komprenesar. Esas absurda havar lineo determinata pri to quon onu devas e ne devas lektar. Plu kam duimo de kulturo moderna dependas de to quon onu ne devas lektar. Mulieri, quale ulu dicis, amaras per sua oreli, same kam homuli amaras per sua okuli, se ili irgafoye amaras irgamaniere. Esas plu bona esar bela kam esar bona, ma esas plu bona esar bona kam esar leda. Nulo aspektas tante simila a naiveso kam nediskreteso. Desfortunajin onu povas tolerar, oli venas de extere, oli esas acidenti. Ma suferar pro onua malaji - o ta esas la dardo di vivo. Beleso esas la nura kozo quan tempo ne povas nocar. Filozofii forfalas quale sablo, kredi sequas l’una l’altra, ma to quo esas bela esas joyo dum tota sezoni , posedajo dum tota eterneso. La bona rezolvemesi esas cheki extraktas de banko ube ne havas konto kuranta. | 
