La Delegitaro por l'Adopto di Linguo Auxiliara Internaciona (Délégation pour l'Adoption d'une Langue Auxiliaire Internationale) formacesis17 di januaro1901 dalFrancamatematikistoLéopold Leau. La programo di ca delegaciono kontenis du importanta punti:
Til1906 la delegitaro recevis susteno de plu kam 1200 membri di akademii ed universitati ed adhero da plu kam 300 societi. En mayo1907 la delegitaro submisis la temo alInternacion Asociuro dil Akademii enWien quo, per 12 voti kontre 8 kun 1 absteno, deklaris su nekapabla decidar la problemo diinternaciona auxiliara linguo. Konseque la delegitaro formacis labor-komitato, e per 242 voti ek 253 la sequanta membri elektesis, sri:Manuel Camilo Barrios, Medicin-skolo diLima,Peru, prezidanto dil Peruana senato;Jan Baudouin de Courtenay, profesoro dilinguistiko che Universitato diSankt Peterburg;Émile Boirac, Universitato diDijon,Francia;Charles Bouchard, membro dilAkademio di cienci, profesoro che la Medicin-skolo diParis;Roland von Eötvös, membro dil Hungara Akademio di Cienci;Wilhelm Foerster, prezidanto dilInternaciona Komitato pri Pezi e Mezuri;George Harvey, redaktero dilNorth American Review;Otto Jespersen, profesoro diFilologio, Universitato diKøbenhavn, membro dil Dana Akademio di Cienci;Spiridon Lambros, Universitato di Athina;Constantin Le Paige, direktisto dil Cienco-Fako dil Rejala Akademio diBelgia, rektoro dil Universitato diLiège;Wilhelm Ostwald, membro dil Rejala Akademio di Cienci diSaxonia, profesoro emerita che Universitato diLeipzig;Hugo Schuchardt, membro dil Imperial Akademio di Cienci di Wien, profesoro che Universitato diGraz. La konto di la vot-folii kontrolesis da la konocata Franca generaloHippolyte Sebert.
La Komitato kompletigesis per l'adjunto di sri:Gusztáv Rados, dil Hungara Akadamio di Cienci;William Thomas Stead, redaktero dilLondonanaReview of Reviews;Giuseppe Peano, profesoro dil Universitato diTorino, membro dil Akademio di Cienci di Torino. Nam sri Bouchard, Harvey e Stead ne povis asistar, li reprezentesis da sriPaul Rodet,Paul Hugon eErnest Dimnet; sro Boirac reprezentesis che kelka kunsidi dal paco-propagantoGaston Moch; la kunsekretarii dil Delegaciono, sriLouis Couturat e Leau divenis Komitatani.
En oktobro 1907 la Komitato renkontris cheCollège de France che quo fine ol atingis la sequanta decido: "Nula propozita linguo povas adoptesarin toto e sen modifiki. La Komitato decidis adoptar principeEsperanto, pro olua relativa perfekteso, e pro la multa diversa uzi di ol, kondicione ke certena modifiki facesez dal Permananta Komisiono, segun la linei indikita dal 'Konkluzi dil Raporto' dal sekretarii e dal projetoIdo, se posibla konkorde kun la Esperantista Linguala Komitato." La Permananta Komitato konsistis ek Ostwald, Couturat, Leau, de Beaufront, Jespersen e Baudouin de Courtenay.
Dum la kunsidi l'autori di multa sistemi aparis koram la Permananta Komisiono por defensar la principi di sua linguo, ma balde klareskis kea posteriori projeto esis selektenda, la maxim favorata sistemi esis Esperanto,Idiom neutral,Nov latin edUniversal. Anonima projetoIdo submisesis quo kontenis multa reformi propozita depos1894, ultre la derivo-principi propozita da Couturat; esence ol esis reformita Esperanto.
Louis de Beaufront selektesis da DroZamenhof por reprezentar Esperanto, e personala kontroverso sequis kande on saveskis ke il esis l'autoro dil anonima projeto.
.svg)