Bordeaux esas mondale famoza pro suavini. Multa vit-agri stacas en kolini proxim ol, ed alongefluvio Garonne. L'urbo anke gastigas la maxim importanta internaciona ferio pri vino, Vinexpo. Ol ank esas centro porgastronomio e turistal aferi, e loko ube organizesas multa internaciona kongresi. Ol ank esas importanta centro por aeronaval industrio, e por industrii militala e kosmala, esanta sideyo di importanta kompanii, exempleDassault Aviation,Ariane Group,Safran eThalès. Lua ancienaportuo, konstruktita dumMezepoko, klasifikesis en 2007 kom Mondala Patrimonio di la Homaro, segunUNESKO.
La nunaUniversitato di Bordeaux establisesis en 1441 dalpapo Eugenius la 4ma, kande Bordeaux esis Angla urbo. Nun ol havas 54 mil studenti, de qui plu kam 6 mil esas exterlandani[2].
Amfiteatro Romana, konstruktita dum la2ma yarcento e konocata France komPalais Gallien.
Restaji arkeologiala montris ke le koloniigo di la regiono komencis dumfer-epoko, ye la6ma yarcento aK, en regiono di 4 o 5hektari an la sinistra rivo di rivero Devèze[3]. La regiono konquestesis dalRomani dum l'1ma yarcento aK, dum tale nomizita "milito di Galia". Sub Romana administrado,Burdigala (Romana nomo di Bordeaux) divenis un ek la maxim prosperoza urbi Europana.
En70, imperiestroVespasianus transformis Burdigala en chef-urbo diRomana provinco Aquitania. Romani konstruktis granda monumenti en Bordeaux, exemple l'amfiteatro konocata komPalais Gallien, kapabla pri recevar cirkume 20 mil spektanti, e le Koloni de Tutelle (France:Piliers de Tutelle) qua uzesis kom templo oforumo.
Lareliefo di Bordeaux esas plana e kun basa kolini an la sinistra rivo difluvio Garonne, ube jacas granda parto dil urbo. Parto de ca areo olim esis marshoza. An la dextra rivo existas kalkoza platajo qua povas atingar 90 metri super lamarala nivelo. En ta kalkoza tereni produktesas la maxim cheravini de la mondo. La mezavaloraaltitudo dil urbo esas 6 metri, e lua reliefo varias de 1 til 42 metri super lamarala nivelo.
La klimato di Bordeaux esas moderema oceanala, kun influi subtropikala e mediteranea (Cfb segun laklimatala klasifikuro da Köppen). La mezavalora temperaturo en januaro (vintro) esas 7,1°C, kontre ke la mezavalora temperaturo en agosto (somero) esas 21,9°C. Recente, enrejistresis augmento di diala temperaturi, pro klimatala chanjo.
La mezavalora yaralapluvo-quanto dil urbo esas 924,9 mm, e la maxim pluvoza monati esas novembro e decembro, kun mezavalore plu kam 100 mm, single.
.svg)
