TiEncyclopedia of Life (EOL) ket ti maysa a nawaya, nga online a kolaboratibo nga ensiklopedia a naikeddeng a mangdokumento amin dagiti 1.9 a riwriw asibibiag asebbangan nga ammo iti siensia. Daytoy ket naurnong manipud kadagiti adda a database ken manipud kadagiti kontribusion dagiti eksperto ken dagiti saan nga eksperto iti amin a paset iti lubong.[2] Mangigandat daytoy a mangipatakder iti maysa a "awan inggana a mapadakkel" a panid para iti tunggal maysa a sebbangan, a mairaman ti video, uni, ladladawan, dagiti grapiko, ken dagiti pay teksto.[3] Iti pay maipatinayon, iraman pay ti Ensiklopedia ti linaon a manipud itiBiodiversity Heritage Library, a mangdihitado kadagiti riniwriw a panid iti naimaldit a literatura manipud kadagiti nangruna a masna a biblioteka iti lubong. Ti proyekto ket immuna napuonan babaen ti maysa a US$50 a riwriw keddeng ti pundot, nga indauluan babaen tiPundasion ti MacArthur ken tiPundasion ti Sloan, a respektibo a nangited iti US$20 a riwriw ken US$5 a riwriw. Ti naipatinayon a US$25 a riwriw ket nagtaud manipud kadagiti lima a nakaibatayan a patakder=—tiField Museum,Unibersidad ti Harvard, tiMarine Biological Laboratory, tiMissouri Botanical Garden, ken tiInstituto ti Smithsoniano. Immuna nga indauluan ti proyekto babaen ni Jim Edwards[4] ken ti timpuyog ti panagparang-ay babaen niDavid Patterson. Ita nga aldaw, dagiti makibinglay a patakder ken dagiti agparparawad ket agtultuloyda a mangsuporta tiEOL babaen kadagiti kontribusion iti pinansia.
Immuna nairugi tiEOL idi Pebrero 26 2008 a nagraman kadagiti 30,000 a naikabkabil.[5] Dagus a nagbalin a popular ti sitio, ken temporario a nangisubli kadagiti demonstrasion laeng a pampanid kadagiti dua nga aldaw idi nakiddaw dagiti sumurok a 11-riwriw a panagbuya.[6]
Ti sitio ket nairugi manen idi 5 Septiembre 2011 nga addaan iti naidisenio manen nga interface ken ramramit.[7] Ti baro a bersion – a makunkuna a kas ti EOLv2 – ket naiparang-ay idi tapno maisungbat kadagiti kiddaw manipud iti sapsap a publiko, dagiti umili a sientista, dagiti manursuro ken dagiti propesional a bio para iti maysa a sitio a nasaysayaa, maserrekan ken personal. Naidesinio manen ti EOLv2 tapno mapasayaat iti pannakausar ken makawis kadagiti kontribusion ken pannakitignay kadagiti agar-aramat. Daytoy ket naipataraus pay nga agraman kadagiti interface a naited iti kadagiti agsasao itiIngles,Aleman,Espaniol,Pranses,Galego,Serbio,Masedonio,Arabiko,Insik,Koreano kenUkraniano. Idi 16 Enero 2014, inrugi tiEOL ti TraitBank, ti maysa a mabirukan, nawaya a dihital a repositorio dagiti ugali ti organismo, dagiti rukod, dagiti pannakitignay ken dagiti sabali pay a kinapudno para kadagiti amin a takson.[8]
Ti Ehekutibo a Komite ti inisiatibo ket mangiraman dagiti manakman nga opisila manipud iti Atlas of Living Australia, ti konsortio tiBiodiversity Heritage Library, tiAkademia dagiti Siensia ti Insik,CONABIO,Field Museum,Unibersidad ti Harvard, tiBibliotheca Alexandrina (Biblioteka ti Alexandria),Pundasion ti MacArthur,Marine Biological Laboratory,Missouri Botanical Garden,Pundasion ti Sloan, ken tiInstituto ti Smithsoniano.[9][10]
Ti pakaammo a maipanggep kadagiti adu a sebbangan ket mabalinen a magun-od manipud kadagiti nadumaduma a taudan, a naipangpangruna iti maipanggep itimegafauna. Ti panagurnong iti agdama a nagun-od a datos kadagiti amin a 1.9 a riwriw a sebbangan ket agpaut iti agarup a 10 a tawen.[11] Manipud idi Septiembre 2011, tiEOL ket addaan iti pakaammo kadagiti ad-adu ngem 700,000 a magun-od a sebbangan, ken dagiti pay ad-adu ngem 600,000 a retrato ken riniwriw a pampanid iti na-scan a literatura.[12] Agkamkammatalek ti inisiatibo iti naipagsurotan a pakaammo nga inaramid babaen dagiti ganetget ti sabsabali, a mairaman ti Sp2000 ken tiITISCatalogue of Life,Fishbase ken ti Assembling Tree of Life project tiNSF, AmphibiaWeb, Mushroom explorer, microscope, kdpy. Ti immuna pagtengngaan iti isip ket dagiti sibibiag a sebbangan ngem kanungpalanto a mangiraman dagiti naungaw a sebbangan. Gapu ta dagiti pannakaduktal dagiti baro a sebbangan ket manamnama nga agtuloy (agdama nga agrup a 20,000 iti tinawen), agtultuloy a dumakkel ti ensiklopedia. Gapu ta ti taksonomia ket makabirbiruk kadagiti baro a waya iti panangiraman dagiti sebbangan a naduktalan babaen dagiti molekular a pamay-an, umadunto ti gatad dagiti naro a mainayon, a naipangpangruna iti respeto iti mikrobial nga obra iti (eu)bakteria, archaebakteria ken dagiti birus.
Ti gandat tiEOL' ket ti agserbi a kas maysa a rekurso para iti sapasap a publiko, dagiti entusiastiko nga agdadamo, dagiti manursuro, dagiti estudiante ken dagiti propesional a sientista manipud iti amin a paset iti lubong.[2]
TiEncyclopedia of Life ket adda kadagiti kadua iti linaon iti amin a paset iti lubong a makibinningay iti pakaammo babaen ti plataporma tiEOL,[13] a mairaman ti Wikipedia kenFlickr.
Ti interfacena ket maipatarus ititranslatewiki.net.
