Lindisfarne, altrimen Holy Island (Insul Sant), es un insul mareal (to es, separat del chef terra per li mare solmen quande li marea es alt) in liMare Nord, avan li costa nord-est deAnglia. It apartene al comitáNorthumberland. Su superficie es 4 km2 e it have 180 habitantes (2011).
Un monasterat esset fundat sur li insul per li monaco irlandic Santo Aidan ante li fine del annu 634. It devenit un centre important delCristianisme celtic. Plu tard in li 7. seculSanto Cuthbert esset prior e in 684 il esset consecrat quam episcop de Lindisfarne.
In 875 li monacos fugit del insul por evitar li avanse de un armé danes e ne have revenit. Támen un nov prioria benedictin esset fundat in 1093 e continuat til su supression sub li ReyHenry VIII in 1536. Un restage substantial de su edificies existe ancor.
Hodie li insul es designat quam Area de Bellitá Natural Eminent. Un chossé conese it con li chef terra, e plu de 650 000 personas visita it pro annu.
