Tunku Abdul Rahman | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
تونكو عبد الرحمن | |||||||||||||||||||||||||||
.jpg) Official portrait,c. early-1950s | |||||||||||||||||||||||||||
| Menteri Besai Malaysia[lower-alpha 1] | |||||||||||||||||||||||||||
| Megai pengawa 31 Ogos 1957 – 22 September 1970 | |||||||||||||||||||||||||||
| Raja | |||||||||||||||||||||||||||
| Sapit | Abdul Razak Hussein | ||||||||||||||||||||||||||
| Didulu | Opis digaga[lower-alpha 2] | ||||||||||||||||||||||||||
| Diganti | Abdul Razak Hussein | ||||||||||||||||||||||||||
| President of UMNO | |||||||||||||||||||||||||||
| Megai pengawa 25 August 1951 – 23 January 1971 | |||||||||||||||||||||||||||
| Didulu | Onn Jaafar | ||||||||||||||||||||||||||
| Diganti | Abdul Razak Hussein | ||||||||||||||||||||||||||
| |||||||||||||||||||||||||||
| |||||||||||||||||||||||||||
| |||||||||||||||||||||||||||
| Penerang diri | |||||||||||||||||||||||||||
| Ada | Tunku Abdul Rahman Putra Al-Haj ibni Sultan Abdul Hamid Halim Shah (1903-02-08)8 Februari 1903 Alor Setar, Kedah Sultanate, Kingdom of Siam | ||||||||||||||||||||||||||
| Midang | 6 Disember 1990(1990-12-06) (umur 87) Kuala Lumpur, Malaysia | ||||||||||||||||||||||||||
| Pendam | Kedah Royal Mausoleum,Langgar, Kedah | ||||||||||||||||||||||||||
| Parti politik | UMNO (1946–1988) Independent (1988–1990) | ||||||||||||||||||||||||||
| Pegai parti politik ke bukai | Alliance (1952–1973) Barisan Nasional (1973–1988) | ||||||||||||||||||||||||||
| Kaling | |||||||||||||||||||||||||||
| Anak | 7 | ||||||||||||||||||||||||||
| Pelajar | |||||||||||||||||||||||||||
| Alma mater | |||||||||||||||||||||||||||
| Anugerah | Full list | ||||||||||||||||||||||||||
| Sain |  | ||||||||||||||||||||||||||
Tunku Abdul Rahman (Melayu:تونكو عبد الرحمن; 8 Februari 1903 – 6 Disember 1990), dikelala mayuh orang enggau namaTunku, iya nya siku orang ti nyadi menteri Malaysia keterubah nyadi menteri besai Malaysia ari taun 1957 nyentuk ngagai taun 1970. Iya mega nyadi siku aja kepala menteri Federasyen Malaya ari taun 1955 ngagai 1957, Presiden Gerempung Bansa Melayu Beserakup (UMNO) ari taun 1951 ngagai 1971, sereta ketuai Parti Perikatan ari taun 1952 nyentuk ke iya pinchin. Nyadi orang ke tebilang ngarika pengawa merintah diri, Tunku nyadi orang tengah dalam Deklarasyen Meredeka Malaya enggaupengawa nempa menua Malaysia dalam taun 1963. Iya dikelala mayuh nyadi apai pemungkal menua tu lalu mengkang nyadi menteri besai kedua pemadu lama mangku pengawa.
Diada dalam sebilik diraja Kesultanan Kedah, Tunku belajar di Malaya lalu udah nya macha undang-undang ba Kolej St Catharine, Cambridge. Lebuh pulai, iya nyeretai pengawa sivil kolonial, nyadi pemesai pelilih menua sebedau nyadi pendawa raya dalam taun 1949. Iya masuk politik enggau menang ba pengawa bepilih ketuai UMNO dalam taun 1951 lalu numbuhka Parti Perikatan enggau Gerempung China Malaysia enggau Kongres India Malaysia taun ke nangkanka nya. Perikatan nya menang enggau besai ba pengawa bepilih besai taun 1955, udah nya Tunku nyadi kepala menteri. Iya enda mujur nguji berunding deka mutuska Darurat Malaya nengah Randau Baling, tang mujur ngulihka meredeka ungkup Malaya nengah Sempekat London dalam taun 1956. Iya mantaika meredeka dalam taun 1957 lalu menang mandat baru dalam pengawa bepilih besai menua 1959, sebedau nyadi orang tengah dalam penumbuh menua Malaysia ba taun 1963, ke alai menuaSingapura,Sabah enggauSarawak disengkaum tang ukai Brunei. Iya nguluka Perikatan menang baru dalam taun 1964 tang majak napi penanggul ketegal penyarut entara raban bansa, kelebih agi ketegal kaul ti majak jai enggau Singapura.
Tunku nadai kala nyukung Singapura dipasukka dalam gerempung nya lalu majak pechaya ke penyarut politik enggau penyampau tubuh bansa China ti mayuh ngeruga timbang etnik Malaysia ti rapuh. Dalam taun 1965, berindik ari provokasyen entara UMNO enggau Parti Tindakan Rakyat (PAP) ti betuaika Lee Kuan Yew, iya mutuska deka muru Singapura ari federasyen, ti diformalka nengah Sempekat Merdeka Singapura 1965, lalu serara penuh nyadi ba 9 Ogos 1965. Iya menang ba renggat keempat pengawa bepilih 1969, tang majoriti Perikatan ke dikurangka nya ditangkanka enggau penyarut ke balat nyadi mayapenyadi 13 Mei, ngujungka penusah ngenyit menua nyadi. Tunku badu nyadi menteri besai dalam taun 1970 lalu diganti Abdul Razak Hussein. Lebuh pinchin, iya mengkang chakah dalam lumba enggau main sereta pengawa Islam entarabansa, mangku pengawa nyadi presiden Konfederasyen Bol Sipak Asia sereta nyadi sekretari besai keterubah Gerempung Kerejasama Islam. Iya midang diKuala Lumpur kena 6 Disember 1990, lebuh beumur 87 taun.
| International | |
|---|---|
| National | |
| Academics | |
| People | |
| Other | |
