Gambar purgatori dilukisLudovico Carracci. Atas: Kristus ngiring, enggau Maria sereta orang kudus ti nyadi pengantara. Tengah: Melikat ngayanka semengat bala pengantara. Baruh: semengat benung dituchi enggau mayuh macham ulah.
Purgatori (Latin:purgatorium) iya nya gaya tengah ti lalu pengudah pemati fizikal dikena nuchi tauka meresi semengat. Analogi ti suah dikena iya nya tai ti dibuai ari logam dalam tungku.
Dalamdoktrin Katolik, purgatori nunjukka pengawa meresi ti penudi ngagai sida ti mati dalam Pendiau Pengasih, lalu ninggalka dalam sida semina "pengudus ti diguna kena tama ngagai pengaga ati serega";[1] iya bebida bendar ari ukum orang ti dikutuk lalu nadai bekaul enggau pengampun dosa ke pengelepas. Orang ti diampun ulih dilepaska ari "pengelekat iya ti enda bepengerai ngagai utai ti digaga" nengah pengasih ti bebendar ba dunya tu, lalu enti enda pia nengah "ukum temporal (i.e. ukai belama iya)" purgatori ti enda bebalas.[1]: 1472, 1473
