Pol Pot (nama ada:Saloth Sâr; 19 Mei 1925 – 15 April 1998) iya nya siku orang politik, revolusioner enggau diktator Kemboja ti merintah menua komunis Kampuchea Demokratik ari taun 1976 nyentukka iya dibuai dalam taun 1979. Sekumbang iya megai menua, administrasyen iya ngemataka pengawa kasar bebala mayuh lalu iya dipelabaka bala mayuh nyadi siku ari despot ke pemadu kasar dalam sejarah dunya moden. Ari sukut ideologi iya nya siku orang ke megai ideologi etnonasionalis Khmer enggau Maois, Pot nyadi ketuai dalam engkebut Komunis Kemboja, ke dikelala enggau nama Khmer Rouge, ari taun 1963 ngagai 1997. Iya kala nyadi Sekretari Besai Parti Komunis Kampuchea ari taun 1963 ngagai 1981, ke alai Kemboja ditukar nyadi menua ke bisi siti parti. Entara taun 1975 enggau 1979, Khmer Rouge ngereja pengawa munuh bebala mayuh bansa Kemboja, ke alai dipelabaka 1.5–2 juta iku orang mati —kira-kira seperempat ari penyampau tubuh ba menua nya sebedau pengawa munuh bebala mayuh nya nyadi. Kena bulan Disember 1978, Vietnam nyerang Kemboja kena muai Khmer Rouge ari kuasa. Dalam kandang dua minggu, soldadu Vietnam nguasa sebagi besai menua nya, maduka pengawa munuh bebala mayuh nya lalu numbuhka perintah baru Kemboja, lalu Khmer Rouge disekat ngagai kandang menua pesisir ba bagi menua barat menua nya.
Diada ari siku orang bumai ti kaya di Prek Sbauv, Kemboja Perancis, Pol Pot belajar ba sekeda sekula ti pemadu elit di Kemboja. Datai di Paris dalam bulan Oktober 1949 enggau sekulasip akademik, iya udah nya nyereta Parti Komunis Perancis dalam taun 1951 lebuh belajar ba Sekolah Radioelektrik Perancis . Pulai ke Kemboja dalam taun 1953, iya ngaul diri dalam gerempung Khmer Viet Minh enggau perang gerila iya ngelaban perintah Raja Norodom Sihanouk ke baru merdeka. Berindik ari Khmer Viet Minh ke surut ngagai Vietnam Utara dalam taun 1954, Pol Pot pulai baru ngagai Phnom Penh, gawa nyadi pengajar seraya ke mengkang nyadi kaban tengah dalam gerak balas Marxis–Leninis Kemboja. Dalam taun 1959, iya mantu ngeformalka pengawa nya nyadi Parti Buruh Kampuchea, ke udah nya diberi nama baru nyadi Parti Komunis Kampuchea (CPK). Dikena nyeliahka diri ari ditindas nengeri, dalam taun 1962 iya pindah ngagai kem rimba lalu dalam taun 1963 iya nyadi ketuai CPK. Dalam taun 1968, iya ngepunka baru perang ngelaban perintah Sihanouk. Pengudah Lon Nol ngelepaska Sihanouk dalam pengawa rampas kuasa taun 1970, raban Pol Pot bepiak ngagai ketuai ke dibuai ngelaban perintah baru, ke disukung sedadu Amerika Syarikat. Dibantu militia Viet Cong enggau sedadu Vietnam Utara, sedadu Khmer Rouge mansang lalu nguasa semua Kemboja ba taun 1975.
Pol Pot ada ba kampung Prek Sbauv, luar mengeri Kampong Thom. Iya diberi nama Saloth Sâr, leka jakusâr ("burak, lesi") ti nunjukka kulit iya ti chukup terang.[2] Rekod kolonial Peranchis ngengkahka haribulan pengada iya ba 25 Mei 1928,[3] tang penulis biografi Philip Short madahka iya ada dalam bulan Mac 1925.[2]
Prek Sbauv, kampung endur Pol Pot ada sereta ngabiska taun-taun keterubah iya.
Sida sebilik bechampur bansa China enggau etnik Khmer, tang enda nemu bejakuChina lalu idup baka orang Khmer asal.[2] Apai iya Loth, ke udah nya ngambi nama Saloth Phem, siku orang bumai ke lantang sereta ngembuan tanah padi semilan hektar enggau beberapa iku chapi draf. Rumah Loth nya siti ari rumah ti pemadu besai ba kampung nya lalu maya nanam enggau ngetau iya ngupah orang ti seranta agi ke diau semak iya bejalaika mayuh pengawa betanam betupi.[2] Indai Sâr, Sok Nem, dipebasaka orang ba endur nya laban iya siku orang ke bepengarap Buddha.[3] Sâr anak kelapan ari semilan iku diri menyadi (dua iku indu enggau tujuh iku lelaki),[3] tiga iku ari sida nya mati maya agi biak.[2] Sida dibesaika dalam pengarap Buddha Theravada, lalu maya pengerami bejalai ngagai biara Kampong Thom.[2] Taja pan asal sida sebilik chukup lantang, dalam sebengkah randau enggau televisyen Yugoslavia dalam taun 1977, Pol Pot madahka diri ada dalam "ruang bilik ti seranta, orang bumai".[4]
Maya nya, Kemboja nyadi menua monarki tang rejim kolonial Perancis megai kuasa politik ba menua nya.[3] Sida Sâr sebilik bisi kaul enggau raban diraja Kemboja: petunggal iya Meak nya siku bini Raja Sisowath Monivong lalu udah nya gawa nyadi pengajar balet. Lebuh Sâr beumur nam taun, iya enggau siku menyadi tuai iya dianjung diau enggau Meak ba Phnom Penh; pengawa ngambi anak ti enda formal ari kaban belayan ti kaya agi maya nya suah nyadi di Kemboja.[3] Ba Phnom Penh, iya udah 18 bulan nyadi sami baru ba biara Vat Botum Vaddei ba mengeri nya, belajarka ajarpengarap Buddha sereta macha enggau nulis jaku Khmer.
Ba musin angat taun 1935, Sâr mansang diau enggau abang iya Suong sereta bini enggau anak menyadi iya ke penudi.[2] Taun tu, iya berengkah belajar ba sekula primariRoman Katolik, École Miche, lalu Meak mayar yuran sekula iya.[3] Tebal agi bala kaban sekelas iya nya anak birokrat Peranchis enggau orang Katolik Vietnam.[3] Iya nemu macha enggau nulis dalamjaku Peranchis sereta udah teleba enggaupengarap Kristian.[3] Sâr nadai bepengelandik ba akademik lalu ditan dua taun, nerima Sijil Pelajar Pertama Pelengkap iya dalam taun 1943 lebuh umur iya 18 taun.[2] Iya mayuh nemuai ngagai Meak ba istana raja, lalu dia meh iya bisi sekeda peneleba seksual iya ti pemadu tumu enggau sekeda indu gundik raja.[2]
Sekumbang Sâr ba sekula nya, Raja Moniveng udah parai. Ba taun 1941, piak bekuasa Peranchis nyiri Norodom Sihanouk nganti iya. Sekula sekondari baru, Collége Pream Sihanouk, ditumbuhka di Kampong Cham, lalu Sâr dipilih nyadi tarak asrama ba palan nya dalam taun 1942. Tikas pelajar tu meri iya penuduk ti spesyel dalam raban bansa Kemboja.[3] Iya belajar bemain biola lalu ngambi bagi ba leka main sekula. Mayuh awak lepa iya dikena bemain bol (bol sipak) enggaubol keranjang. Beberapa iku kaban tarak, entara sida Hu Nim enggau Khieu Samphan, udah nya begawa ba perintah iya.[3] Maya pemisi taun baru dalam taun 1945, Sâr enggau sekeda kaban ari raban teater kolej iya bejalai ngagai provinsi ngena bas ngumpul duit ungkup pejalai ngagai Angkor Wat.[2] Dalam taun 1947, iya ninggalka sekula nya.[3]
Taun nya, iya mujur ba peresa ti ngasuh iya tama Lycée Sisowath, seraya nya diau enggau Suong sereta bini baru iya.[2] Ba musin angat taun 1948, iya ngambi peresa masukbrevet ungkup kelas atas Lycée, tang enda mujur. Enda baka sekeda kaban iya, iya enda ulih terus belajar ba sekula nya ngambika bulih baccalauréat . Tang, iya ngambi pelajar ba taun 1948 belajarka pengawa betukang ba Ecole Technique di Russey Keo, ba kandang menua utara Phnom Penh. Penurun ari pelajar akademik ngagai vokasional tu nyangka nyadika tekenyit.[2] Bala kaban iya ke sama belajar nya, mayuh ari sida iya ari kelas ke baruh agi ari sida ke ba Lycée Sisowath, taja pan sida ukai orang bumai.[3] Ba Teknik Ecole, iya betemu enggau Ieng Sary, ke nyadi kaban rat lalu udah nya nyadi kaban perintah iya.[3] Ba musin angat taun 1949, Sâr pas babrevet iya lalu bulih siti ari lima iti sekulasip ti ngemendarka iya bejalai ke Peranchis belajar ba siti ari sekula injinir dia.[2]
MayaPerang Dunya Kedua, Jereman Nazi nyerang Peranchis, lalu ba taun 1941, Jipun muru Peranchis ari Kemboja, lalu Sihanouk madahka menua iya meredeka.[2] Pengudah perang nya abis, Peranchis netapka baru kuasa iya ba Kemboja dalam taun 1946,[2] tang ngemendarka pengaga konstitusyen baru enggau numbuhka mayuh macham parti politik. Pekara ti pemadu mujur ari sida nya Parti Demokratik ti menang ba pengawa bepilih besai taun 1946. Nitihka penerang ari pakar sejarah David Chandler, Sâr enggau Sary gawa ba parti nya maya kimpin pengawa bepilih ti mujur;[3] tang, Short madah Sâr nadai kaul enggau parti nya.[2] Sihanouk mantah reformasyen parti nya ke bepiak kiba lalu dalam taun 1948 ngererak Aum Nasional, nganti nya merintah nengah dekrit.[3] Raban Việt Minh nguji numbuhka gerempung komunis ke baru ada, tang iya dituntung penyarut entara bansa Khmer enggau Vietnam. Berita pasal raban nya ditapis ari surat berita, lalu enda tentu Sâr nemu pasal pekara nya.[2]
Sâr datai ba Paris kena 1 Oktober 1949. Paris digambar dalam taun 1950.
Akses ngagai pelajar ke lebih tinggi di menua luar ngasuh Sâr nyadi sebagi ari raban elit ke mit di menua Kemboja.[2] Iya enggau 21 iku tarak bukai ke dipilih belayar ari Saigon nepan kapal SSJamaïque, ngetu baSingapura, Colombo, enggau Djibouti lebuh dalam pejalai nuju Marseille. Sâr datai ba Paris kena 1 Oktober 1949. Kena bulan Januari 1950, Sâr ngambi pelajar ba Sekula radioelektrik Peranchis belajarka elektronik radio.[2] Iya ngambi bilik ba Pavilion Indochina Cité Universitaire,[3] udah nya endur diau ba jalai Amyot,[2] lalu pengujung iya ba endur tinduk di sukut jalai Commerce enggau jalai Letellier.[2] Sâr bulih mark ke manah maya taun keterubah iya belajar. Iya enda mujur ba peresa ujung taun keterubah tang dikemendarka ngambi baru lalu mujur mit, ngujungka iya ulih nampung pelajar.[2]
Sâr udah tiga taun ba Paris.[3] Ba musin angat taun 1950, iya siku ari 18 iku nembiak Kemboja ke enggau kaban Peranchis bejalai ngagai FPR Yugoslavia nyadi voluntia dalam batalion pengereja pengawa ngaga jalai besai di Zagreb. Iya pulai ke Yugoslavia ba taun ke nangkanka nya laban deka belelak ba kem.[2] Sâr ngaga mimit tauka nadai nguji berasimilasyen enggau budaya Peranchis[3] lalu enda kala sepenuh iya nyamai bejaku dalam jaku Peranchis.[2] Taja pia iya nyadi teleba enggau litaricha Peranchis; siku ari pengarang ti dikerinduka iya iya nya Jean-Jacques Rousseau.[3] Kaul iya ti pemadu besai reti di menua nya enggau Ieng Sary, ti udah begulai enggau iya dia, Thiounn Mumm enggau Keng Vannsak.[3] Iya nyadi kaban dalam raban randau Vannsak, ke alai kaban iya ke mayuh macham ideologi berandauka chara dikena ngulihka meredeka Kemboja.[2]
Di Paris, Ieng Sary enggau dua iku agi numbuhka Cercle Marxiste ("Lingkaran Marxis"), sebengkah gerempung ti diatur dalam sistem sel ti belalai.[2] Bala sel nya baum macha teks Marxis sereta ngatur sesi kritik diri.[2] Sâr enggau sel ti betemu ba jalai Lacepède; kaban sel iya nyengkaum Hou Yuon, Sien Ary, enggau Sok Knaol.[2] Iya nulung ngaga salin surat berita Cercle,Reaksmei ("The Spark"), ti diberi nama nitihka surat berita Rusia ke suba.[2] Kena bulan Oktober 1951, Yuon dipilih nyadi tuai Gerempung Pelajar Khmer (AEK;Gerempung Pelajar Khmer), nempa kaul ti rat entara gerempung nya enggau Gerempung Pelajar Nasional Peranchis ti bepiak kiba.[2] Cercle Marxiste udah manipulasyen AEK enggau gerempung ti nganti iya dalam timpuh 19 taun ti deka datai.[2] Beberapa bulan pengudah Cercle Marxiste ditumbuhka, Sâr enggau Sary nyereta Parti Komunis Peranchis (PCF). Sâr ngulu aum parti, nyengkaum aum raban Kemboja iya, lalu macha majalah iya,Les Cahiers Internationaux.[2] Ba mayuh orang biak di Perancis enggau Kemboja, komunisme baka ke deka nyadi jemah ila; Parti Komunis China menang dalam Perang Saudara China lalu Parti Komunis Peranchis nyadi siti ari ke pemadu besai di menua nya,[5] narit undi urung 25% ari pengundi Peranchis.[2]
Ba Paris, Pol Pot diiri enggau inspirasyen ari karang Mao Zedong enggau Joseph Stalin (gambar begulai dalam taun 1949) pasal chara bejalaika revolusyen.
Sâr nemu mayuh teks Karl Marx ti padat agi tusah, udah nya madahka diri "enda tentu meretika" teks nya.[2] Tang iya nyadi teleba enggau karang ketuai Soviet Joseph Stalin, nyengkaumSejarah Parti Komunis Kesatuan Soviet (Bolshevik).[2] Sâr mega macha karya Mao, kelebih agiOn New Democracy, teks ti ngerintaika langkar dikena bejalaika revolusyen dalam raban bansa kolonial enggau setengah kolonial, setengah feudal.[2] Beserimbai enggau teks-teks tu, Sâr macha bup anarkis Peter Kropotkin pasal Revolusyen Perancis,The Great Revolution.[2] Ari Kropotkin iya ngambi penemu ti madahka gempung entara orang ti bepenemu enggau orang bumai beguna bendar ke revolusyen; ti madahka revolusyen patut dipejalaika enggau nadai kompromi ngagai simpul iya ngambika mujur; lalu egalitarianisme nya nyadika pelasar gerempung komunis.[2]
Ba Kemboja, penyarut dalam menua ke majak nyadi ngujungka Raja Sihanouk muai perintah lalu madahka diri nyadi menteri besai.[2] Berindik ari nya, Sâr nulis artikel, “Monarki tauka Demokrasi?”, ti dikeluarka dalam majalah nembiakKhmer Nisut ngena nama samun “Khmer daom” (“Khmer Asal”). Dalam nya, iya ngenang enggau positif ngagaipengarap Buddha, ngayanka sami Buddha nyadi kuasa anti-monarkis ba sepiak orang bumai.[2] Ba sebengkah aum, Cercle mutuska deka nganjung orang ke Kemboja beratika gaya utai ke nyadi lalu nentuka ni bagi raban pemberontak ke patut disukung sida; Sâr nyadi sukarelawan ungkup pengawa nya.[2] Pemutus iya ke deka pansut mega engka ketegal iya enda mujur ba peresa taun dua dua taun beturut-turut lalu ngujungka iya lenyau sekulasip. Kena bulan Disember, iya nepan kapalSS Jamaïque, pulai ke Kemboja enggau nadai degree.[3]
↑Chandler 1992, p. 27 harvnb error: no target: CITEREFChandler1992 (help)Templat:"'They became Communists when it was the popular thing to do—during the early 1950s under the unstable Fourth Republic in France when a Communist-controlled resistance movement in Cambodia bravely confronted the French colonial rulers. This period marked the heyday of the Communist party of France. The Khmer students' time in Paris coincided with the last years of Stalin's life and the apotheosis of the cult of personality surrounding him. The Communist party, one of the strongest in France, was considered the most Stalinist party outside eastern Europe. The years 1949-1953 also marked the victory of communism in China and the confrontation between Communist and anticommunist armies in the Korean War. To many young Khmer and millions of young people in France, communism seemed to be the wave of the future.Templat:'"
Tyner, James A. (2018).From Rice Fields to Killing Fields: Nature, Life, and Labor under the Khmer Rouge. Syracuse, NY: Syracuse University Press.ISBN978-0815635567.
