Paus Francis (Jaku Latin: Franciscus;Jaku Itali: Francesco;Jaku Sepanyol: Francisco; nama ada:Jorge Mario Bergoglio; 17 Disember 1936-21 April 2025) nya Paus enggau kepalaGerija Katolik, bishop Rom sereta pemerintah Menua NengeriVatikan. Iya Paus keterubah ariGerempung Jesus (Jesuits), keterubah ari benuaAmerika Selatan enggau Hemisfera Selatan, lalu iya nyadi Paus keterubah ke ada luarEuropah kenyau ari abad ke-8 maya perintah Paus Gregory III ariSiria.
Diada diBuenos Aires, Argentina, Bergoglio diiri enggau inspirasyen nyereta raban Jesuit dalam taun 1958 pengudah gerai ari penyakit ke balat. Iya dichiri nyadi paderi Katolik dalam taun 1969; ari taun 1973 ngagai 1979, iya nyadi tuai pendiauJesuit di Argentina. Iya nyadi uskup besai Buenos Aires dalam taun 1998 lalu digaga nyadi kardinal dalam taun 2001 ulih Paus John Paul II. Iya nguluka Gerija Argentina maya penyarut bulan Disember 2001 di Argentina; pentadbiran Néstor Kirchner enggau Cristina Fernandez de Kirchner ngumbai iya nyadi pesaing politik.
Berindik ari pngelengka pangku pengawa Paus Benedict XVI kena 28 Februari 2013, konklaf paus milih Bergoglio nyadi penganti iya kena 13 Mac. Iya milih Francis nyadika nama paus iya dikena bebasaka Saint Francis ari Assisi. Sepemanjai pengidup iya ba mua mayuh, Francis tebilang ketegal pemaruh ati iya, ngemeratka pengasih Petara, tampak ba renggat entarabansa nyadi Paus, ibuhka orang ke seranta, sereta komitmen ngagai randau entara pengarap. Iya dikelala ketegal ngembuan chara ti kurang formal ba pengawa nyadi paus ari orang ke dulu ari iya enggau chara, ambika chunto, milih diau ba rumah temuai Domus Sanctae Marthae (Rumah St. Martha) rumah temuai ari ke ba apartment paus Istana Apostolik ti dikena Paus ke dulu ari nya.[2]
Francis ngaga orang indu nyadi kaban penuh dikasteri dalam Kuria Rome.[3][4] Iya mengkang madahka Gerija Katolik patut lebih siru enggau kaban komuniti LGBTQ, lalu madahka taja pan berekat ari kaling sama gender enda dikemendarka, tang individu nya ulih diberekat asal berekat enda diberi dalam konteks liturgi.[5]Francis nya siku orang ti kritikenda betagang kapitalisme, konsumerisme, enggau pemansang ti kelalu mayuh ;[6] iya ngaga tindakan ba ubah iklim, fokus keterubah pengawa paus iya.[7] Iya madahka ukum mati nya jai intrinsik,[8] madahka Gerija Katolik komited deka ngemunaska iya.[9] Dalam diplomasi entarabansa, Francis mantah peniki populisme sayap kanan, minta homoseksualiti dibuai nyadi jenayah,[10] mantu mulaika kaul diplomatik penuh entara Amerika Syarikat enggau Kuba, berundingka sempekat enggau China dikena netapka ni naka pengaruh Parti Komunis dalam nyiri bishop China, sereta nyukung pengawa pelarian. Iya ngumbai pengawa nyaga orang ke datai ari menua bukai nyadi “gawa tamadun” lalu mantah politik anti-imigresyen nyengkaum Presiden A.S.,Donald Trump.[11][12] Dalam taun 2022, iya minta ampun ketegal pengawa Gerija dalam "pemunuh budaya" raban bansa Asal Kanada.[13] Francis ngatur aum Sinod pasal Sinodaliti ti digambarka nyadi punca pengawa nyadi paus iya sereta pengawa ti pemadu beguna dalam Gerija Katolik kenyau ari Kaunsil Vatikan Kedua.[4][14][15]
Francis midang maya umur 88 taun kena 21 April 2025, Hari Satu Ista. Dalam beberapa minggu sebedau iya mati, iya udah diperubat ketegal penyakit paru-paru kronik, nyengkaum krisis seput enggau pneumonia.[16]
_FXD.jpg)
